落船前，職員每人分派一條手帶，他們以手帶顏色分辨你是去沙灘還是浮台。去沙灘的朋友全日只可於沙灘浮潛，並包一份指定午餐。而去浮台的朋友，可於浮台及沙灘浮潛，包自助任食午餐，並可使用浮台上的淡水沖身，當然去浮台的價錢比去沙灘貴很多。
我們於大雨中上船，大約一個多小時便到達玻璃大浮台。我們上到浮台，原來全船六七十人中，只有十多人去浮台，其他全去沙灘。因為人不多，上到浮台好鬆動，我們霸了兩張檯用。
午飯前先換泳褲於浮台邊玩浮潛，未下水已經見無數的熱帶魚於水中。落到水，好得意呀！那些熱帶魚完全不怕人，它們於你腳邊游來游去，有時會輕輕咬你一下，好有趣！
津津亦換好醒目的游水衣，但一落水又扭計，究竟佢咩事呢？
午餐有沙律、炒麵、炒飯、炒菜、炸雞肉、春卷、蝦及生果等，種類都幾多，但好唔好食呢？唉！當填飽個肚，補充體力，下午再去浮潛啦！
下午我們坐駁船到沙灘看看，沙灘上勁多人，近岸的海水不太清，水面還有一層油污，我估是大家身上的太陽油，好恐怖！這裡唯一可取就是有小鯊魚，它們於近岸一帶出現，不時靜雞雞游到遊客旁，但好彩！它們不會咬人。
晚上 6:00 回到酒店，玩足全日，好累！我們休息了一會便出發到珍南海灘 (Pantai Cenang) 的 Rose Tea 食泰國菜。這一餐泰國菜，好食又唔係好好食，難食又唔算，中規中矩。我覺得九龍城的泰國菜一定比這家出色。
回酒店前，我們開車到了位於 Padang Matsirat 的 Langkawi Night Market，到達時大約 9:45，很多攤檔開始收工，我們快快買了些串燒食，又平又好味，我覺得比剛才的泰國菜好食好多。臨走前，謝太買了一個小榴槤回酒店食。
想問下你,浮潛用品是否已包係day trip團費入面?
ReplyDelete對！團費已包所有浮潛用品！
Delete唔該晒你呀 ^^
ReplyDelete