200810 日本中部北陸之秋遊

今次這次家庭旅行是年頭已經計劃，最初計劃的目的地是英國或澳洲，到訂機票時，燃油附加費加到可說是瘋狂的地步，一張來回機票加稅加燃油附加費，要接近一萬元，所以改去近些的地方。(好彩冇去，現在的機票已經平了很多。)

名古屋城

細佬又想去日本，但我年頭又去過，左想右想，算啦！好耐冇一家人去旅行，去日本就去日本啦，何況日本咁大，仲有好多地方可以去！日期，國家都定了，要決定去那些地方，東京一定唔會去，北海道、九洲、近畿一帶又去過，其實可考慮東北、沖繩、中國、四國及中部。佢地又想有 Shopping ，呢幾個地方要 Shopping 最好係日本三大城市之一：名古屋，要包括名古屋既行程，今次最好係去中部北陸。

白川鄉的合掌屋

我們於中部北陸選擇到有小京都之稱的金沢及高山、有日本阿爾卑斯山脈之稱的立山黑部、保存最多世界文化遺產合掌屋的白川鄉、日本三大名泉之一的下呂溫泉鄉及大城市名古屋。

白川鄉的紅葉

交通方面，左計右計，六個人坐火車同自己租車揸價錢相差無幾，自己租車可以開到酒店門口，比較舒服些。六個人租什麼車好呢？租兩架車一定唔化算，租一架車，最大係 Toyota Alphard 或者 Nissan Elgrand，所以都係租一架 Nissan Elgrand，因為八人車坐六個人，所以行李控制只能帶四件，未出發已爆喼。

下呂溫泉大合照

日產 ELGRAND