201203 英國十八天 - 出發前

定目的地及訂機票

每年一月的旅行，因今年一月撞正新年，所以唯有押後。10/2011 時打算三月初到日本四國及中國一帶，兩星期的行程已經 Plan 好晒，經計算機票、租車、路費及酒店價錢，一個人已經要大約兩萬港元，還未計油錢、飲食及入場費，因為太貴，所以遲遲未訂機票。到 2011 年 12 月中，又發現到美國洛杉磯坐迪士尼遊輪到墨西哥很抵玩，大約一萬四千港元，包括來回機票(連稅及附加費)到洛杉磯，七晚住宿迪士尼遊輪連每天早午晚餐，問一問雞雞父母，佢地又有興趣一齊去，所以決定三月頭暫時放棄日本，轉到美國。去到 2012 年 1 月 9 日，上網發現 「 驚劈！維珍直飛倫敦2人同行$1,880！」 ，即時想起綿羊先生兩公婆早前說想去英國，立即通知佢地，跟住 Whatsapp 通知 Stanley 哥兩公婆，佢地又有興趣去喎。一吹雞！竟然大家立即夾到時間三月一齊去。大家興致勃勃，而特價機票又可遇不可求，唯有同雞雞父母押後迪士尼遊輪行程到十月。

先經相熟 Agent hold 了機票，大家要幾天時間返公司請假，Agent 說 1 月 19 號前比錢都可以，所以大家好老定！而我當晚就立即去圖書館借英國旅遊書，用一兩晚時間就 Plan 好十九日英國的初步行程。去到 18 號上午，大家都確定已經可以三月放假，我們便打電話給 Agent confirm 機票。Agent 嘗試用 System Confirm 機票時才發現此特價機票要三天內 Confirm，我們的機票已被自動取消。

心情有如晴天霹靂，難得六個人可以一齊去，又有平機票。而呢幾晚我搵資料已經完全投入個旅程，而家可能冇得去，有冇搞錯呀！ Agent 都知自己都有錯，所以盡力幫我地追機位，又嘗試 book 其他航空公司，但我地六個人唔係咁易追得到。19 號下午 5:00 前維珍個特價機票就完，去到 19 號下午 Agent 只追到四張機票，Plan B 是可能我們有兩個人要比貴少少及早一日坐另一間航空公司先到倫敦。事情發展到下午 4:30pm，只餘半小時時間，大家都打定輸數，突然 Agent 通知追到維珍六張特價機票，去程跟原先 book 的時間一樣，回程就早一日返。當用 Whatsapp 通知大家後，大家的心情有如坐過山車大起大落，好彩最後都 confirm 到機票可以出發。

行程編排

十八日的旅程由英國的北面愛爾蘭玩到南面的倫敦，開始時行程編得不是太緊密，由倫敦直飛北部的 Inverness，自己開車到 Isle of Skye、愛丁堡、約克、曼徹斯特、牛律及巴斯，後來又加了 Lake Distinct 及利物浦，現在最新的行程我覺得都幾趕，有幾日要連續開兩個多小時車。

行程路線定好，到 book 酒店，整個旅程會住九間酒店，因現今資訊發達，一上 Booking.com 及 Tripadvisor，一大堆酒店給你選擇，真是花多眼亂。我於網上看了百多二百間酒店的資料，經過研究各酒店的價錢、地點、房間面積、房間相片、上網設施及泊車設施等資料，再 Shortlist 了八十間左右給他們再選。當選定酒店之後，又要上網格價，看看那一個網站有最好的價錢。

租車比較上容易少少，只要到各大租車網站，如 Hertz、AVIS、Europcar 及 Thrifty，比較價錢、車款、租車及還車地點的方便性便可。我們最後決定租兩架 WV Passat Estate 自動波車。

當搞好住及行，跟住要編一下各地方或城市的參觀路線，首先把市內要一到的景點於地圖上點出來，再決定應於何處泊車，之後如何可以走最少的路而參觀到所有要去的景點，當然亦要找一找各景點的開放時間，不然去到關了門就掃興。我其實都花了幾個星期去編好十八日的參觀路線。最後不可缺少食這方面，首先我會上網找一些網友或網站推介的餐廳，再於地圖上找找是不是我們順道經過的，最後記下地址並記錄於地圖上。

為了方便於旅途中聯繫及找資料，我亦上網找了有關 Prepaid 上網咭的資料，去到英國可以到 3 電話公司購買一張 iPhone4 的電話咭，£12 包括一個月內 300 分鐘通話時間，及 1000MB 數據使用，而 £15 就包括一個月內 300 分鐘通話時間，及無限數據使用。

星期三晚我們便出發，現在一切已整裝待發，出發前一兩天再上網 check 一 check 天氣，希望天公做美，不要太凍及下雨！