Joseph@外地遊記: 201509 台灣台中第三日 - 台中動漫彩繪巷，20號倉庫，勤美天地

2015/09/27

201509 台灣台中第三日 - 台中動漫彩繪巷，20號倉庫，勤美天地

酒店食完早餐，上房拎埋行李就 Check-out 離開，因為我地今晚會住另一間酒店。首先我地去台中動漫彩繪巷，呢度好多海賊王既壁畫，仲有龍珠、進擊的巨人、小丸子、Mario，好多好多不同動漫壁畫，都好得意！

台中動漫彩繪巷

山治！

仲有帽比你帶

鐵閘都有海賊王

好高呀

柯南都有

Mario

多啦A夢既隨意門

台中火車站附近有個20號倉庫，現改建成文化藝術區，台灣好多呢種由舊建築改成既文化藝術區。不過呢個地方比較細，好快行完。

20號倉庫

20號倉庫既水塔

黎到火車站附近，梗去一去宫原眼科食個雪糕同買下手信。

宫原眼科

宫原眼科雪糕

講到台中手信，你見周街都係太陽堂，就知最出名一定係太陽餅。而我食過幾間太陽餅，最好味我覺得係俊美。所以我專登揸車去俊美，買幾盒送禮自用。入到俊美，居然賣晒，仲要全線分店冇貨。

俊美

真係冇晒太陽餅

午餐，我地去左西屯區既「K2 小蝸牛廚房」意大利餐廳，去到餐廳樓下，開始好大風，因為有個颱風吹緊黎台灣，預計聽日晚上會係台中經過，我地聽日中午坐飛機離開，我仲好樂觀咁預計應該可以走到，不過...........

食左幾日中式台灣野，今日係「K2 小蝸牛廚房」意大利餐廳食下沙律、薄餅、意粉，好 refresh，好舒服！好多人去外國旅行食左好多日西餐，就頂唔順要食返中餐。我就食左幾日中餐就頂唔順，要食下西餐！

K2 小蝸牛廚房

今晚我地住一間時尚設計酒店，叫做「台中紅點文旅」，最近好多雜誌都大力介紹。價錢比之前兩晚住既「逢甲商旅」，所以我好有期望。入到酒店大堂，最矚目係一條兩層樓高的銀色金屬滑梯以及一些懷舊傢俱。入到房，OMG，房間好細，又唔係四四正正，跟想像好大落差，我覺得「逢甲商旅」好好多！呢度唯一特別既係擺設、傢具、日用品都經過心思設計，不過間房太細，好焗促，幾好既設計都冇用！心諗唯有去玩多幾次滑梯先抵返！落到大堂，想去玩滑梯，又勁多小朋友玩緊，我冇理由走去同細路爭滑梯玩，滑梯都冇得玩，蝕晒啦！