201509 台灣台中第二日 - 東海大學，高美濕地

雖然禽晚兩點先瞓，但今日照常 9:00 係酒店食早餐。呢度既自助早餐都有好多選擇，有西式麵包、多士、奄列、腸、火腿，又有台式白粥，肉鬆等。

酒店內食早餐

早餐

食完早餐，我地坐的士去台中火車站旁既 AVIS 租車，我地租左架 Ford Kuga 四驅車，車身高，好大架。第一站係去東海大學，點解要去大學呢？原來大學內有間建築好特別既教堂，叫路思義教堂。另外仲可以行下大學，感受下大學生活既氣氛。(我日日返工其實都感受緊大學生活既氣氛)

AVIS 租車

Ford Kuga 四驅車

東海大學

睇地圖都見校園範圍好大

校園內一個湖

好特別既建築

離遠睇好似真既假牛

路思義教堂

路思義教堂

教堂入口

路思義教堂頂既十字架

禽晚太夜到台中，買唔到上網電話卡，所以我地揸車去機場買電話卡，中華電信五日3G 無限上網，TWD$300。

中華電信有好多唔同既上網 Plan

我地今日午餐就去左公路旁既清水休息站，呢個清水休息站好大，裡面有好多手信賣，又有個好大既 Food Court。我係三商巧福點左個牛肉麵，連鎖店唔好太多期望，入得口，唔難食。食完就係一間叫 Uncle Tetsu's Shop 買個即製既芝士蛋糕，呢個就真係堅好食，唔怪得成個場得呢檔排晒隊啦！

清水休息站

裡面好大

三商巧福食牛肉麵

Uncle Tetsu's Shop 芝士蛋糕排晒隊

買左一個芝士蛋糕

Uncle Tetsu's Shop 芝士蛋糕

大約 4:30 去到高美濕地等睇日落，行到去著名木橋景點，成條橋都係人，仲多人過旺角。都係係岸邊等睇日落算啦！

高美濕地

日落前既景色

高美濕地

條橋超級多人

日落啦

高美濕地附近有個叫梧棲漁港既地方，好似話海鮮幾好食，我地去到天已經黑晒，但仲有好多人係度，應該都唔會太差。我地去左一間叫「阿敏平價海鮮」，叫左蟹、花枝丸、魚、蝦、煎蠔餅等。不過我又唔覺得非常好食，唔駛專登黎食囉！

梧棲漁港

阿敏平價海鮮

選海鮮既雪櫃

見到裝修好平實

食海鮮

晚上去左一中街夜市行下，去到一中街夜市，當然要食好正既臭豆腐，幾年前食過好好味，現在依然保持水準，我覺得係台中必吃夜市小食！

一中街

一中街夜市

買臭豆腐

臭豆腐