202507 日本茨城第七日 - 大洗，成田夢牧場

一早凌晨4:00出發，去神磯之鳥居睇日出。我哋照原定計劃，去到大洗公園停車場泊好架車，然後行去最佳位置等日出。去到都見到有幾十人一齊等。因為係向住一望無際嘅太平洋，所以個太陽係由水平線升上嚟，日出嘅陽光唔太耀眼，可以用雙眼直視。

202507 日本茨城第六日 - 大洗

今早係酒店食早餐後，08:15 退房，然後向大洗方向出發。首先我地係去國營常陸海濱公園，入場費 ¥450。國營常陸海濱公園係一個賞花既地方，一年四季都有唔同既花，冬天有梅花及冰鬱金香，春天有粉碟花及鬱金香，秋天有紅色既掃帚草，而我地而家夏天就有未變紅既掃帚草。

國營常陸海濱公園

202507 日本茨城第五日 - 水戶，袋田瀑布，日立，五浦

之前試過揸車去到某地方既 AEON Mall ，入到去好似八十年代既香港吉之島，好舊，好細，完全中伏。最近 X 上有個日本網友 Kaze-3681 將全日本 AEON Mall 評分為 SS 級到 F 級。AEON Lake Town 當然係 SS 級大佬。今早我地去左車程 20 分鐘既 AEON 水戶內原，而 AEON 水戶內原被評為 S 級，雖然冇 AEON Lake Town 咁勁，但都好大，好多商舖。

AEON Mall 入面既 Muji

202507 日本茨城第四日 - 笠間，水戶

住「BEB5土浦 by 星野集團」是沒有包早餐，但可以係佢大堂既咖啡店買簡單既三文治早餐。我地選擇去左車站既 Tully's Cafe 食早餐。今日會離開土浦，然後去笠間及水戶，晚上住係水戶市內。

BEB5土浦 by 星野集團

202507 日本茨城第三日 - 角川，AEON Lake Town，土浦

早上 8:00 出發，由酒店坐 Uber 去上野既 Toyota 租車公司攞車。今次因為得兩個人，所以租架細車 Toyota Yaris。平時係香港揸開電車，好耐冇揸電油車，有少少擔心會唔習慣。但上車揸左一陣就熟習返揸電油車，畢竟係香港揸電車之前都揸左十幾廿年電油車。不過第一日，我有兩次離開左架車先發現冇鎖車。

202507 日本茨城第二日 - 池袋，涉谷

早上 9:30 出發去一間淺草人氣味噌湯早餐店 Misojyu，佢既早餐時段係 8:00 至 10:00。佢既早餐主角係大大碗足料味噌湯，湯內有非常多蔬菜，另外再配一件手工飯團及半熟蛋半隻，一份 ¥850。升級版早餐可加兩件炸雞及一件豆腐，一份 ¥1330。碗味噌湯因為好多蔬菜，所以好清甜。我點左個玄米飯團，亦都非常好味，件豆腐帶香濃豆味，炸雞亦是水準之作。早上食一個健康早餐特別醒神！

202507 日本茨城第一日 - 淺草

今次七日行程，頭兩日留係東京，之後租車去茨城縣玩五日。出發前上網搵景點，茨城縣原來多年被票選為都道府縣魅力度最低既地方。去之前都有少少驚中伏，但為左全制霸日本都道府縣，點都要去一次茨城縣。 (全制霸日本都道府 = 去過全日本 47 個都道府縣，我而家只欠三個縣，分別係福井，三重及岡山)。不過去過茨城縣之後，我又唔係覺得咁差，可能期望不大，所以冇咩太大落差。

大洗神磯之鳥居日出