201609 瑞士第十二日 - 蘇黎世 (Zurich)

今日係行程最後一日啦！今晚坐 22:45 瑞士航空直航返香港，所以我地仲有一日時間遊覽蘇黎世。今日既早餐係酒店房食埋最後一個杯麵，懶得帶返香港。

9:00 我地出發去 FIFA 世界足球博物館 (FIFA World Football Museum)。FIFA 世界足球博物館係由國際足協 (FIFA) 營運，於 02/2016 開幕，只係開左七個月。我地比開門時間早左少少到，所以要係門口等入去，目測當時都只係得十數人等入場，博物館入場費 CHF24。

FIFA World Football Museum 係 Zurich Enge 火車站對面

201609 瑞士第十一日 - 聖加侖 (St. Gallen)，蘇黎世 (Zurich)

本來我預左兩日比蘇黎世，但研究左一堆資料後，我都係搵唔到咁多景點可以比兩日佢。所以決定今早坐火車去聖加侖，目的係去睇聖加侖圖書館。

由蘇黎世火車站有直接火車去到聖加侖，車程一個鐘左右。聖加侖既歷史建築主要位於東北面城舊城區，由火車站行二十分鐘左右可以到達。去到舊城區，成個區都禁止車輛駛入，而四周既房屋好似德國既建築，色彩繽紛。

坐火車去聖加侖

201609 瑞士第十日 - 列支敦士登 (Liechtenstein)，邁恩費爾德 (Maienfeld)

今日離開琉森，先去郵票小國列支敦士登 (Liechtenstein)，然後進入飄零燕既世界邁恩費爾德 (Maienfeld)，跟住就會去瑞士最繁榮既城市蘇黎世。

係琉森一早離開, 不過落雨

201609 瑞士第九日 - 琉森 (Luzern)

本來今日打算上去鐵力士峰 (Titlis)，但天氣預測話鐵力士峰會落雨，而我今早上鐵力士峰網站睇下佢個直播鏡頭，山上又真係白茫茫一片。所以唯有取消呢個行程。其實附近一帶天氣都唔好，所以我地只好留係琉森市內觀光。

係酒店食完歐陸自助早餐，10:00 揸車去琉森市，我地泊返禽晚泊既停車場。由停車場行去市中心，首先去到聖萊奧德伽爾教堂 (Hofkirche St. Leodegar) 參觀，唔知係唔係真係「上帝早已預備」，一去到教堂，教堂上空既雲就散開，比我地影到有藍天既教堂。

琉森湖畔

201609 瑞士第八日 - 伯恩 (Bern)，琉森 (Luzern)

今日既目的地係琉森 (Luzern)，上午我地會先去瑞士首都伯恩 (Bern)，黎個伯恩半天遊。我地係旅館食完早餐，大約 9:30 執好野離開格林德瓦 (Grindelwald)。唔記得講下呢間旅館既早餐，係自助式傳統歐陸早餐，即係得麵飽、冷盤火腿、芝士、烚蛋、茶及果汁。好唔好食？填飽個肚算係咁啦！

今日係房既露台影出去既格林德瓦

201609 瑞士第七日 - 勞特布龍嫩 (Lauterbrunnen)，米倫 (Murren) ，茵特拉肯(Interlaken)

本來今日去少女峰，但因為知道今日天氣唔好，所以禽日已經上左去。咁今日完全冇野做，所以係旅館食早餐時，就拎下旅館內介紹附近景點既小冊子，研究下有咩地方天氣唔好下都可以去。

天氣差左好多

201609 瑞士第六日 - 格里姆瑟爾山隘 (Grimselpass)，格林德瓦 (Grindelwald)，少女峰 (Jungfraujoch)

今早係 Apartment 整左簡單既早餐，煎蛋火腿加麵包，然後執好野離開策馬特 (Zermatt)。今日原本既行程係慢慢揸車去全球十大危險公路 - 格里姆瑟爾山隘 (Grimselpass)，沿途停下小鎮食下野及行下，再去 Grimselsee 人工湖及 Grimsel Pass Dam 水壩行下，預計黃昏去到格林德瓦 (Grindelwald)，好悠閒既行程。然後明日一早就上少女峰 (Jungfraujoch)。

不過睇左天氣預測，明日及後日少女峰既天氣都好差，只有今日既天氣比較好。上少女峰要成千蚊港幣，如果上到去天氣唔好，又浪費金錢又浪費時間，所以我決定由策馬特飛車去格林德瓦，今日上埋少女峰。

我地坐 9:35 火車由策馬特返去塔什(Täsch)既停車場攞返架車，然後直接揸左大約兩個鐘車去到格里姆瑟爾山隘。由塔什去格里姆瑟爾山隘其實經過好多好靚既小鎮， 如果有時間係好值得停車行下同影相。

沿途既美景

201609 瑞士第五日 - 策馬特 (Zermatt)，馬特洪峰 (Matterhorn)

一早起身，整左煎蛋、火腿、多士早餐。再整定午餐帶上山。然後 8:30 出發上去馬特洪峰 (Matterhorn)。我地去到火車站以半價証買左來回馬特洪峰既火車飛，一個人原價 CHF45，半價後 CHF22.5。

早上係露台見到既馬特洪峰

201609 瑞士第四日 - 西昂(Sion)，策馬特 (Zermatt)

今日向策馬特 (Zermatt) 進發，由酒店座落既 Chexbres 小鎮去策馬特要兩個半鐘車程。我選擇係中途既西昂(Sion)停一停行下同食午餐。今早瞓到好晏，差唔多九點先起身，因為酒店唔包早餐，我地係房食左麵包、杯麵及生果。跟住大約 10:15 開車離開！

今早係房既露台望出去

201609 瑞士第三日 - 布羅克 (Broc)，格魯耶爾 (Gruyeres)，蒙特勒 (Montreux)

住左一晚呢間咁差既酒店，一早 8:30 快快走人！我地係酒店附近既 Sixt 預訂左一架 Mercedes Benz A-class。預訂時，有一日上去 Sixt 網頁，突然見到個價跌左好多。我而家訂 8 日，都只係 CHF306。好多人話瑞士租車貴，好好彩又比我搵到咁平。去到辦手續時，職員話可以 Upgrade 我架車去 SUV，我唔制，我要揸 A-class。去到停車場攞車，一架好靚仔既紅色 Mercedes Benz A180 出現眼前，仲要係剛剛轉小款既 Facelift 版。上到車，好熟悉既感覺，同我自己架 A200 大同小異。

Sixt 租車

201609 瑞士第二日 - 倫敦，日內瓦 (Geneva)

瞓到大約清晨五點幾，起身快快執好野，就去坐 6:11 既  Hoppa 返去希斯路機場。本來酒店係包早餐，不過因為太早，所以仲未有得食！去到希斯路機場，冇禽晚咁多人，半個鐘左右就寄好行李，出埋境，去到候機大堂。我地走左去 Lounge 食早餐，因為比預算早左，所以可以輕輕鬆鬆慢慢食。英國既 Lounge 有晒香腸、炒蛋、茄汁豆等比你自己整個英式早餐，真係幾好！

6:51 去到希斯路機場

201609 瑞士第一日 - 維也納，倫敦

七月頭時又有歐港星平機票，今次仲平得好離譜。去程坐奧地利航空既新航線，由香港飛維也納再轉機去倫敦。回程就由蘇黎世坐瑞士航空直飛香港，另外仲有一程由香港坐因航去新加坡，連所有稅項，超低價 HK$2661 一個人。一見到唔駛多考慮，買左先算！

第一次坐奧地利航空