201412 日本九州第七日 - 福岡

最後一日啦！9:00 於酒店食完自助早餐，然後坐地鐵去中洲的「激安の殿堂」行逛一下。行完就慢步行去天神商店區，行下商場、又行下地下商店街，咁就行左幾個鐘！

經過那珂川去中洲

201412 日本九州第六日 - 柳川，福岡

一起身即時走去浸溫泉，跟住就去食早餐。早餐是自助餐，有非常多種類食物，仲有嬉野溫泉豆腐。不過我有少少失望，因為唔係一人一份既日式料理早餐。大約 9:30 離開溫泉旅館，攞車時看見成架車被一層薄薄既冰包住，昨晚一定好凍！

和多屋別莊門口

201412 日本九州第五日 - 九十九島，豪斯登堡 (海賊王)，嬉野温泉

今早的酒店不包早餐，我地 9:00 退房，然後開車去酒店旁的便利店，光顧開設於便利店內的 Bell Beach Burger Shop。佐世保是日本美軍基地，因此傳授了日本人漢堡文化，所以現在漢堡已成為佐世保名物，於佐世保四圍都可找到漢堡店，而官方更有一個漢堡店地圖，Bell Beach Burger Shop 是漢堡店地圖介紹的其中一店，所以都是有水準的店！為了節省時間，我們於車上食漢堡，即叫即製的漢堡新鮮熱辣，配上帶甜的醬汁，我覺得不太美式，但好日本風味！

一早出發

201412 日本九州第四日 - 高千穂峡，阿蘇，鳥栖，佐世保

今日行程非常厲害，由九州東面去到西面，全程有 400 公里。首先由宮崎出發去高千穂峡，再經阿蘇去到鳥栖，然後直駛去佐世保。因為行程緊迫，早上一早於酒店食完早餐，大約 8:30 立即起行出發！

由宮崎去高千穂峡，大約 140 公里，預計要兩個半小時車程。我跟著 GPS 指示於宮崎西走上高速公路，當走到都農 IC ，GPS 叫我駛離高速公路，然後走 10 號國道，沿路又多車又多燈，當走到日向市，又叫我上回高速公路，有冇搞錯，咁做咩係都農時又叫我離開高速公路行國道，浪費了很多時間！後來我上網研究過，原來都農 IC 至日向 IC 這段高速公路是於 26/03/2014 才通車，個 GPS 一定係資料唔夠新，以為未通車，所以叫我行國道。因為浪費了不少時間，我唯有駛出瞬間轉移 (唔係超速呀！)，最後竟然大約 10:40 到達高千穂峡！比預定時間還早！

高千穗神社前鳥居

201412 日本九州第三日 - 宮崎

早上又食 ¥600 一位的豐富自助早餐。8:45 check-out 出發去宮崎縣青島的鬼の洗濯板。由鹿児島去到青島，車程要兩個半小時。到達青島，於車上四圍睇下有邊度泊車，四周商舖內的姨姨看見我們，立即走出來揮手示意泊她們的停車場，當然是要收費。因為佢地係姨姨，唔係日本妹，我當睇佢地唔到直行直過，駛前少少就有一個免費停車場！

落車後，由大馬路轉向海岸方向，去到岸邊的沙灘就看見位於海中心的青島。我們過橋後到達青島，右邊海岸有一鳥居，再前行就是青島神社，鬼の洗濯板就在鳥居至神社間的岸邊。鬼の洗濯板其實是青島海岸一帶的海岸岩石，岩石長期受海浪衝擊及侵蝕，形成了一些樓梯形狀的波浪紋，形狀好似洗衫板的坑紋，所以叫鬼の洗濯板。

青島

201412 日本九州第二日 - 桜島，指宿，鹿児島

早上起身走去酒店大堂問自助早餐幾多錢一位，櫃檯的職員用佢有限既英文同我講 ¥800 一位。然後問我係唔係 Solare Hotels 會員，會員 ¥600 一位。我不是會員，他便立即遞來申請表，即入會即比 ¥600 食早餐，太好啦！¥600 即港幣約 $40，唔好睇小呢 $40 蚊，首先有專人遞碟，食物有麵包、飯、湯、炒蛋、日式甜蛋、燒魚、沙律、香腸、雞湯飯、生果、茶及咖啡等。嘩！都未話少野！$40 蚊抵到極！

食飽飽 9:00 就去停車場攞車出發去櫻島 (桜島)，櫻島是世界上屈指可數的活火山之一，距離鹿兒島市僅4公里。前往櫻島，我們先開車到櫻島渡輪碼頭，然後連人帶車駛上船，車連司機 ¥1150，然後每位乘客 ¥160。香港以前都有汽車渡輪，但我考到車牌後，所有汽車渡輪已經停辦。今次應該是我第一次駕車坐汽車渡輪，好新奇！船程只有十至十五分鐘，不過我都落左車，走上樓上的乘客層及甲板看看風景。

櫻島汽車渡輪

201412 日本九州第一日 - 鹿児島

10 月中時，香港快運突然出一周年特價 $1 機票優惠，第一個目的地是福岡。嘩！一蚊機票，唔駛問，即刻上網搶啦！係香港快運網站選擇不同日子，好多時都死死地，空白一片。間唔中出到可選航班，選好後，輸入完個人資料，一提交資料，又空白一片，死左！不斷選不同日子，不斷入資料，搞左成個鐘，終於買到十二月出發去福岡機票，連稅及行李費，來回每位 HK$ 958，荀野！

福岡上空

201408 日本關西第六日 - 大阪梅田，世界の大温泉

今天可算是最後一天的旅程，因為明天早上坐 8:55 分飛機回香港。而今晚將會到 スパワールド 世界の大温泉 過夜，大約早上 5:30 坐南海線空港急行到関西空港。因為今天是最後一天，所以今天是血拼購物 (鳩嗚) 日。

早上 10:00 先退房，然後把行李寄存於酒店，之後出發去梅田購物。梅田有很多百貨公司及小商店，我想不用我多作介紹，我只重點講講幾家店。

去到梅田駅

201408 日本關西第五日 - 嵯峨野，宇治，京都

今早於酒店食完早餐，然後到新大阪 JR 駅的票務處，以香港預先購買的換領劵換取 JR 關西Area Pass 一日火車証。換証後就坐東海道本線新快速先到京都站，再轉山陰本線快速到 JR 嵯峨嵐山站。於火車上，剛剛有兩女一男的香港人坐我們旁邊，我們兩個全程冇出聲聽他們說話，我估佢地未必知道我們是香港人，並且聽懂他們的對話！不過佢地都冇講咩秘密！

JR 嵯峨嵐山駅，好冷清

201408 日本關西第四日 - 大阪城，天神橋筋商店街，日本橋，心斎橋，道頓堀

今早各人先把行李收拾好放入我的房間，然後 Check-out 他們的房間。因為今晚他們會去世界の大温泉過夜，明早天未光就出發去機場回香港。

酒店食完早餐，9:30 左右出發，坐地鐵去大阪城。到大阪城可以由「森ノ宮 」、「谷町四丁目」或「大阪城公園」這三個地鐵站前往。但最短及好行的是由「谷町四丁目」站往大阪城。大阪城是大阪的地標，每日有成千上萬的遊客前來，我想不用多作介紹。不過大家要留意，「大阪周遊卡」是可以免費上大阪城的天守閣。

大阪城護城河

201408 日本關西第三日 - 大阪生活今昔館，梅田

今日開始使用第一日於機場買的大阪周遊卡 (Osaka Amazing Pass)，此卡可以坐地鐵、巴士，仲可以免費遊覽 28 個觀光設施及13個觀光設施有優惠，所以今日全日於大阪市內觀光。

大阪周遊卡

201408 日本關西第二日 - 環球影城

今日全日去環球影城玩，而最主要目的是去剛剛七月十五日開幕的哈利波特魔法世界。為了爭取最多時間玩，我們 7:30 便於酒店食早餐。酒店的早餐非常非常簡樸，有飯團、麵包、香腸、椰菜絲沙律、湯、果汁及茶，全部數晒！豐富就不豐富啦，夠飽肚啦！

今日全日環球影城

201408 日本關西第一日 - 奈良

今次同老婆的家人去旅行，本來他們想去泰國曼谷，後來看見泰國曼谷機票跟日本關西的機票價錢相差不多，所以我熱烈推薦他們去日本，好彩他們都願意去日本。27/8 出發，外甥們要趕 1/9 回港開學，所以他們只好坐 31/8 早上飛機回港。我不用趕開學，所以我 2/9 才回來。

我們一行八人，大部份都是第一次去大阪，所以編排行程時都是主力去大阪的入門必去景點，例如大阪城、心齋橋及環球影城等。另外安排一天去奈良睇鹿仔及東大寺。

於大阪市內觀光，租車是一件頗愚蠢的事，既塞車，又難搵位泊。所以我們今次全程坐公共交通工具。坐公共交通工具，日本又有很多不同的車票，有 JR Pass、大阪周遊卡 (Osaka Amazing Pass)、奈良公園・西の京 世界遺産 １ Day Pass、奈良．斑鳩一日券及關西周遊卡等。要選擇最合適的車票，要花不少時間去編排行程及計算車資。最後我選擇了使用 JR Kansai Pass 及大阪周遊卡。好啦！之前的準備功夫不再講啦！出發啦！

由夜晚黑坐飛機坐到天光

201405 泰國清邁第五日 - 發清雞肉飯，Central Festival，Ginger & Kafe

早上 8:00 起身，然後立即走去游水，唔知係唔係因為未食早餐，游左幾個池就冇力啦！游完早水，回到房換衫，差 d 忘記了昨晚於 Big-C 超級市場買了一袋膠鴨，立即捉它們出來，放落我們房的按摩水池。

準備放鴨

201405 泰國清邁第四日 - 3D 錯覺藝術館 (Art in Paradise), Veranda Chiang Mai High Resort

我們越來越遲起身，今日 9:30 才去食早餐。早餐後上房收拾行李，然後把所有行李放上車離開，因為我們今日會轉到另一間靚靚渡假酒店。

去渡假酒店前，我們先去了 3D 錯覺藝術館 (Art in Paradise)。最近非常流行這種錯覺藝術，大家透過跟立體圖畫合照，令照片產生置身其中的錯覺。這家 3D 錯覺藝術館樓高三層，雲集超過 130 幅作品，規模號稱全球最大。而入場費是每位 Baht$300。

3D 錯覺藝術館

201405 泰國清邁第三日 - 泰菜烹飪學校, Segway Tour

今日報了名去學煮泰菜，早上 8:00 食早餐，然後 8:30 開車去位於古城內的 Thai Orchid Cookery School。我們是最先到達學校的學生，而其他學生就坐學校專車到達。今次一共有 12 位學生，連我們四個，有七位香港人，有兩位澳洲來的男士，其他人已經唔記得！

到達烹飪學校

201405 泰國清邁第二日 - 清萊：白龍寺，長頸族，金三角

出發前上網預定了今天參加清萊一天團，早上 8:00 有車來接我們，每人 HK$325。我們早上 7:30 跑去酒店泳池旁的餐廳食早餐，早餐不是自助餐，但有幾款選擇，然後即煮，都不錯。

泳池後就是食早餐的地方

201405 泰國清邁第一日 - Central Airport Plaza，尼曼寧路 (Nimman Road)

四月中時，看見 AirAsia 有特價機票去清邁，而我又未去過，所以即時上網定機票。 AirAsia 去程時間好好，早上 10:35 上機，但回程就好差，早上 6:00 上機，浪費了最後一整天。我再上香港快運網頁看看，它的時間剛剛跟 AirAsia 相反，去程好差，下午 5:15 上機，回程就好好，晚上 8:00 上機。諗諗下！其實可以分開買，價錢不會差太多。最後我便以 HK$850 買了 Air Asia 的去程機票 (連稅及行李寄倉)，再以 HK$847.5 買了香港快運的回程機票 (連稅及行李寄倉)，自己組合最佳的早去晚返機票，玩足五天。

我們坐的 AirAsia

201405 新加坡第三日 - 濱海灣花園，牛車水，The Blue Ginger

明天零晨坐 1:50 飛機回香港，今晚大約 11:30 便要到達機場。今日有一整天充足的時間，所以我們睡到 9:30 才去吃早餐。早餐後坐酒店免費車去 Bayfront 站的濱海灣花園 (Garden by the Bay)。

濱海灣花園 Supertree

201405 新加坡第二日 - 武吉士，克拉碼頭，夜間動物園

早上於酒店先吃早餐，及慢慢看報紙。然後回房換衫又去泳池曬太陽及游水，貫徹今次悠閒新加坡遊的宗旨。

游早水

201405 新加坡第一日 - 東海岸美食中心，無招牌海鮮

今年勞動節及佛誕假期，只要請一天假，便可享受六天的連續假期，因此四月頭已一早請了假，再看看有什麼平價機票可以平平地去玩玩。由四月頭一直到四月尾都冇合心水的平價機票，到勞動節假期前一天早上已經打定輸數要整個假期留港。到下午，突然看見酷航有特價機票去新加坡，來回 $250，連稅及行李，只需 $862，即時決定 2/5 坐 0655 飛機去，5/5 坐 0150 飛機返，玩足三日兩夜。雖然說是後天出發，但因為要凌晨出機場，即是一買完機票，第二晚就要出機場，所以只有一天時間訂酒店及計劃行程，都幾趕及突然！

第一次坐酷航

201401 日本沖繩第五日 - 那霸

今日是沖繩之旅最後一日，下午坐 3:30 飛機回香港，所以安排的行程不多。早上 9:00 出發去食早餐。因為酒店不包早餐，我們原打算於酒店附近找間咖啡店食，但居然沒有咖啡店！我一向覺得到日本旅遊，如果酒店不包早餐是一件頗煩的事，因為早上很難找到吃早餐的食店。

於街上走了幾個路口，最後決定開車先去 Okinawa Outlet Mall Ashibinaa，於 Outlet 內才吃早餐。Okinawa Outlet Mall Ashibinaa 位於 OTS 租車公司旁，附近還有一些大型電器店及大型運動用品店，購物完可立即還車，然後坐 OTS 專車到機場。

Okinawa Outlet Mall Ashibinaa

201401 日本沖繩第四日 - 古宇利島，那霸

早上 8:30 先於酒店食豐富的早餐，大約 9:30 收拾好行李開車離開。

酒店開車啦！

201401 日本沖繩第三日 - 本部町，名護

早上 8:30 到酒店餐廳食早餐，這早餐跟昨天酒店的早餐不遑多讓，日式及西式的食物種類繁多，還有廚師即製奄列。好滿足的早餐！

酒店豐富的早餐

201401 日本沖繩第二日 - 西海岸，本部町，名護

早上 7:00 睡眼惺忪兼樣衰衰拿著毛巾及泡湯卷走先酒店旁的 「Terme VILLA ちゅらーゆ」 浸溫泉，「Terme VILLA ちゅらーゆ」有一內湯及一露天風呂，泉水是來自地底下1400公尺的天然溫泉。

Terme VILLA ちゅらーゆ

201401 日本沖繩第一日 - 残波岬、美國村

十二月頭看見香港航空去沖繩的機票有特價，如果一月尾去可以夾到櫻花花期，又可以去避寒。我即時搵腳，一問綿羊夫婦，他們很快就決定好一齊去。跟著花了一兩天時間編好大致行程，二星期時間便訂好所有酒店及車，餘下一個月可以慢慢找吸引的餐廳。

出發前兩星期，綿羊夫人於 Whatsapp 的「2014 沖繩賞櫻遊」群組上寫「好對唔住，我今次唔去沖繩旅遊了。」點解呀？唔通怕幅射？問問綿羊先生，綿羊先生又話佢自己照去喎！綿羊先生即時搵了他的同事一齊去，他的同事是男同事，點解唔搵女同事呀？

第一次坐香港航空，好好彩，雖然遲起飛，但都準時到達