201801 日本石垣島第四日

今日係坐中午 12:00 機返香港，所以冇咩行程。一早先係酒店食早餐，酒店既早餐有兩種選擇，禽日食左自助餐，今日就試下日式早餐。佢個早餐叫「八重山朝食膳」，有三個不同既餐，有燒三文魚、燒白身魚或燒劍魚。我地住兩日，有兩種完全唔同既早餐，又幾有新鮮感。

我地 9:30 離開酒店，10:00 左右去到機場既油站入番滿架車。我地呢三日行左 177 公里，都只係用左 9.28 公升油，¥1524，架車真係好慳油又慳錢！

我地係國際線大樓寄行李，國際線大樓細到極點，得兩個櫃檯，咩野店舖都冇。大家寄完行李都係返去國內線大樓行下好過。