201604 荷蘭第九日 - 德哈爾古堡 (De Haar Castle)

今日下午 5:05 飛機離開荷蘭，所以今日得半日時間。原本打算半日再遊阿姆斯特丹，但禽日去左一日，好似已經去晒想去既地方，所以今朝食早餐時再搵下附近有咩地方去。經過大家既決定，今早會先去德哈爾古堡 (De Haar Castle)，然後去阿姆斯特爾芬 (Amstelveen)一個叫 Stadshart 既商場行下及食午餐，之後 2:00 左右就去機場啦！

德哈爾古堡 (De Haar Castle)

201604 荷蘭第八日 - 阿姆斯特丹 (Amsterdam)

今日係阿姆斯特丹一日遊，一早係酒店食完早餐，就揸架車去 Zeeburg 泊車轉乘 (P+R: Park and Ride) 停車場，然後轉 26 號電車入市中心。我地先去喜力體驗館 (Heineken Experience) 參觀，入場費 €16 一個人。

喜力體驗館

201604 荷蘭第七日 - 羊角村(Giethoorn)，阿姆斯特爾芬櫻花祭典 (Amstelveen Cherry Blossom Festival) ，阿姆斯特丹 (Amsterdam)

今日去另一個旅程亮點地方羊角村 (Giethoorn)。由酒店去車程唔駛一個半鐘，去到羊角村，我地將架車停係旅客服務中心旁既停車場，免費既！

羊角村入村既水道

201604 荷蘭第六日 - 阿克馬(Alkmaar)，福倫丹漁村(Volendam)，荷蘭風車村 (Zaanse Schans)

今日天氣預測，都係陰晴不定，時好時壞，我地照原定行程，9:00 出發，揸一個半鐘車去阿克馬 (Alkmaar)。

阿克馬 (Alkmaar)

201604 荷蘭第五日 - Miffy 兔博物館，庫肯霍夫公園 (Keukenhof)，阿積士球場 (Ajax ArenA Stadium)

禽日講過間酒店 Star Lodge Hotel Utrecht 真係麻麻地，但都仲有一個好處既，就係包早餐。佢個早餐好簡單，得幾款飽、芝士、火腿同蛋。我地黎緊幾日都係食呢個早餐。

早餐

201604 荷蘭第四日 - 庫勒慕勒美術館 (Kröller-Müller Museum)，烏得勒支 (Utrecht)

本來今日行程係去全世界最大花園庫肯霍夫公園 (Keukenhof )賞花，不過天氣預報話今日天陰，明天會天晴，所以我地又轉一轉行程，今日先去庫勒慕勒美術館 (Kröller-Müller Museum)。一早 9:00 執好行李上車出發，拜拜鹿特丹啦！

本來打算去一間叫 Ten to Three Bakery 既麵包店食早餐，揸車去到門口又唔知點解冇開門。咁唯有即刻上網睇下附近有咩食，我地搵到最近有一間酒吧，朝早有早餐食，個名叫 Eetcafé Noord-west。可能佢真係做開酒吧，預唔到突然有六個人叫野食，而我地又衰既，每個人都叫唔同既野，所以等左半個鐘先有野食。食埋早餐搞到 11:00 先正式出發，比預算遲左好多。

食早餐既酒吧

201604 荷蘭第三日 - 鹿特丹(Rotterdam)，小孩堤防 (Kinderdijk)

今日將會去小孩堤防 (Kinderdijk) 睇風車，但天氣預報話早上有雨，下午先晴天，所以我地早上會去鹿特丹行下街先。

早上酒店附近都好好天

201604 荷蘭第二日 - 海牙 (Dague)

本來今日安排去小孩堤防，但睇手機既天氣預報，今日會落雨，直到明天下午先好轉。咁我地決定轉一轉行程，今日去海牙，聽日先去小孩堤防。海牙離鹿特丹唔太遠，揸 25 分鐘車就去到。我地先泊左車係 1813廣場 (Plein 1813) 既街邊位，1813廣場其實係一個回旋處，中間有個紀念碑，紀念1813年荷蘭脫離法蘭西帝國既統治。

 1813廣場 (Plein 1813) 既街邊位

201604 荷蘭第一日 - 鹿特丹 (Rotterdam)

今次又係同家人去旅行，一直以黎都好想去荷蘭睇下運河、花同風車。係年初時都預計四月去荷蘭，一路等有冇特價機票，終於三月頭，德國航空 Lufthansa 有港歐廣機票，來回去歐洲加一程香港飛廣洲，連晒稅 HK$4996。雖然冇上次去法國 HK$4510 來回法國加單程台中咁抵，但呢口價算係呢排最抵啦！買完機票，淨返冇一個月時間去 Plan 行程、預約租車、租酒店，所以一切都要以極速進行！

荷蘭風車