今日將會去
小孩堤防 (Kinderdijk) 睇風車，但天氣預報話早上有雨，下午先晴天，所以我地早上會去鹿特丹行下街先。
 |
早上酒店附近都好好天
|
禽日下午係海牙光顧唔到憑蘋果批連續多年獲獎既
Dudok，原來佢係鹿特丹都有分店，所以我地一早 9:30 出門口就去鹿特丹。呢間 Dudok 好大間，樓底超高，一面係落地玻璃牆身，光線直射入室內，好舒適既環境。Dudok 主打係食簡單既食物，例如湯、沙律、飽點、甜品等。我叫左個招牌蘋果批，可以跟雪糕或忌廉，另外仲叫左份蛋煙肉腸多士。個招牌蘋果批外層鬆化，內裡蘋果既小小酸味再配小小甜既醬，非常美味。呢個蘋果批真係我食過最好味既蘋果批，而家講返都好想再食！
 |
| Dudok |
 |
| 內裡裝飾好典雅 |
 |
| 大大份既蛋煙肉腸多士 |
 |
| 極好味既蘋果批 |
我地係鹿特丹行下
De Bjenkorf 百貨公司及 Lijnbaan 商店街，大約 12:45 就出發去小孩堤防。
 |
| De Bjenkorf 百貨公司 |
 |
| Lijnbaan 商店街 |
由鹿特丹去小孩堤防只係半個鐘車程，呢度入場費係 € 7.5 一位，包括可以入去睇風車，登上其中兩座風車及觀看一個有關小孩堤防歷史既影片。如果想坐船遊小孩堤防，就要另外再比 € 5。我地一到步首先食左野先，呢度附近其實冇咩餐廳，得小孩堤防旁邊一間小食店，我就係呢間店叫左個湯同三文治。
 |
| 係小孩堤防外既商店門口，第一次見咁大隻木屐 (後來好多地方都有) |
 |
| 三文治午餐 |
 |
| 小孩堤防 |
小孩堤防一共有十九座風車，大約係1740年左右開始建成。當時建做風車主要係抽取過多既水，令到呢一帶底於水平線既地方免去水患既問題。而家抽水既工作已經由電泵取代，呢十九座風車就為左觀光客而保留下。係 1997 年，小孩堤防更被納入為聯合國世界文化遺產。
 |
| 終於親身見到荷蘭風車 |
 |
| 荷蘭風車 |
遊覽小孩堤防可以坐船、踩單車，而我地就選擇步行，可以一路行一路影下相。好彩地，個天氣預報真係好準，下午天氣真係好轉，可以見到藍天！係天氣好下，影出黎既風車都特別靚。
過幾日，我地去埋風車村 (Zaanse Schans) 睇風車，我個人比較喜歡小孩堤防，因為呢度商業味冇咁濃。風車村內好多賣野既店舖，又芝士、又零食、又木屐。但小孩堤防真係只有睇風車，入去風車內部參觀，而小孩堤防四周既風景都比較大自然。因為真係太鐘意小孩堤防，我地都唔捨得走，係度足足玩左四個鐘有多。
我地 5:30 揸車返去鹿特丹，今晚去第一日因人太多，所以幫襯唔到既燒雞店
Alan & Pim's。我地 6:00 左右去到，店內已經超多人，我地等左一陣，好彩剛剛有最後一張六人檯。燒雞有四種口味，A&P 招牌口味、Provence 普羅旺斯 口味、Bitter Sweet 苦甜口味及泰式口味。可以叫一隻或半隻，半隻既價錢由 € 10 至 € 12。我地每人叫左一份半雞，有人揀招牌口味、有人揀普羅旺斯口味，另外再加左薯條同沙律。燒雞外層佈滿香料，我地睇見隻雞，都唔識分招牌口味同普羅旺斯口味，我是但拎一碟就食啦！因為外層既香料，入口好惹味，而雞肉又唔會太嚡，唔怪得成日都咁多人幫襯啦！
 |
| Alan & Pim's 燒雞店 |
 |
| A&P 招牌燒雞 |
食完飯，我地就揸車去鹿特丹市場行下，仲行埋地庫既超級市場。跟住就出去市場外等天黑，影下市場既夜景。鹿特丹市場既天花壁畫，晚上係燈光影照下，原來真係好搶眼，好靚！
 |
| 鹿特丹市場 |
 |
| 鹿特丹市場旁摩天輪 |
 |
| 入夜後既鹿特丹市場 |
No comments:
Post a Comment