一月去完布吉，之後行程打算三月中到美國 New York，二月中問機票，一個人來回機票要成八千幾，加埋稅及燃油費，大約一萬蚊張機票，嘩....痴線架....成萬蚊一張。後來再問，原來坐中華可以平 d ，大約 $4000-$5000 一張機票，但我又唔敢坐十幾個鐘中華機。算啦！都係唔去囉，又唔係一定要而家去，等佢平返先去啦。
湯布院旅館內
咁唔去美國可以去邊呢，歐洲唔夠時間 Plan，泰國剛剛去完，澳洲又唔想咁快又去，日本本州及北海道又唔想再去住，沖繩又天氣未夠熱去游水。呀...... 諗下諗下不如去九州，睇櫻花、浸溫泉、摘下士多啤梨都幾好喎！如果 15/3 復活節前出發，仲有三星期可以計劃下行程，應該都夠時間。25/2 立即打電話朋友甲幫我去訂機票，再打去 CX Holiday 訂。但 CX Holiday 話 full 哂！好彩朋友甲努力幫手追機票。於出發前五日幫我追到機票。
湯布院店舖
八天旅程不可能走遍九州，因此決定只遊北九州，包括福罔、長崎、別府、湯布院、黑川溫泉、阿蘇火山、熊本、佐賀及鳥栖。九州溫泉鄉有別府地獄、湯布院及黑川溫泉非常有名，但黑川溫泉比較難坐公共交通工具到達，所以將會租車遊九州。但其他城市，如福罔、長崎等有車反而不方便，而日本路費亦非常昂貴。所以決定一半以 JR Pass 坐火車，一半租車，坐火車主要遊城市，而租車就遊溫泉鄉及上火山。
所租的日產 March
Kamome 火車到長崎
No comments:
Post a Comment