今日坐早上 12:30 飛機返香港，所以今朝都冇咩好做。今早 8:00 出去附近 Paris Baguetter Cafe 買左個麵包食，然後返酒店準備坐巴士去機場。
 |
Paris Baguetter Cafe 買早餐
|
 |
| 早餐 |
酒店對面的東橫門口有一架機場巴士 (6001 號) 直達機場。我預早跟酒店櫃檯職員購買了巴士票，14000 韓圜一位。他並給我一張時間表，時間表寫著早上 9:00 有一班車。我好乖咁早十多分鐘前由酒店出發過對面巴士站，一行出門口已經見 6001 號巴士係巴士站等緊。我由紅綠燈過馬路，去到紅綠燈見佢閃綠燈，我仲有大把時間，唔好衝啦！等下一個綠燈啦！當等緊時，對面架 6001 巴士點解開車既？喂！我仲未上車呀！等埋呀！仲紅燈呀！做咩開車呀？
 |
| 我就係睇住佢走啦！ |
我見情況危急，唯有衝紅燈！但都係送車尾！我走入去東橫酒店問點解開左車既？東橫的職員話 8:50 開車架，我問唔係 9:00 咩？佢比個時間表我睇，佢個時間表真係 8:50，而我手上自己酒店個時間表就寫 9:00，我 X ！
Plan B！Plan B！ Plan B 係咩呀？冇喎！冇 Plan B 喎！即諗！等下一班巴士可能趕唔切去機場，轉坐地鐵都可能夠時間，一係坐的士。但最緊要退返手上張巴士票。我過馬路返去我間酒店同佢地講我 Miss 左班巴士，因為你張時間表係錯既。開頭佢話冇得退，叫我坐下一班。我話我趕唔切，佢先肯退比我。返去巴士站，老婆問左個泊路邊既的士司機，佢話 40000 韓圜去機場，我同個的士司機講 35000 啦！佢又 ok 喎。
上到車，我計下數！心諗 35000 韓圜坐的士去機場咁平？坐巴士 14000 韓圜一位，一架的士坐到四個人，如果四個人坐巴士都要 56000 韓圜啦，點解一架的士去機場只係 35000 韓圜架？而開開下車，個的士司機竟然叫路邊等機場巴士的人上車，好彩佢冇上到。死啦！其實會唔會係 35000 韓圜一個人架？如果係未好貴？而家上左車，冇理由而家先再問司機！
 |
| 坐的士去機場 |
9:45 左右到達機場，坐的士超快，比原先坐巴士的預算到達時間還早。到比錢啦！我梗係扮傻比 35000 韓圜個司機，佢又照收冇講咩喎！太好啦！真係 35000 韓圜，其實點解咁抵既？下次去韓國都可以坐的士去機場！
雖然早到機場，但香港航空寄行李都排左一個鐘。本來買左少少野想去退稅，但退稅櫃檯排滿強國人，佢地仲不斷叫囂，搞到好似羅湖城咁，好恐怖！都係唔退啦！上機前去貴賓室食少少野，然後準時上機返香港啦！
 |
| Check-in 排大隊 |
 |
| 退稅又排大隊 |
 |
| 有傳統韓服人就黎比大家影相 |
 |
| 入貴賓室食下野 |
 |
| 上機返香港！ |
No comments:
Post a Comment