早上 9:30 出發去一間淺草人氣味噌湯早餐店 Misojyu，佢既早餐時段係 8:00 至 10:00。佢既早餐主角係大大碗足料味噌湯，湯內有非常多蔬菜，另外再配一件手工飯團及半熟蛋半隻，一份 ¥850。升級版早餐可加兩件炸雞及一件豆腐，一份 ¥1330。碗味噌湯因為好多蔬菜，所以好清甜。我點左個玄米飯團，亦都非常好味，件豆腐帶香濃豆味，炸雞亦是水準之作。早上食一個健康早餐特別醒神！
今日上午會去池袋 Sunshine City 既陽光水族館 Sunshine Aquarium、世界最大扭蛋店 Gashapon Capsule Main Store 及行一行池袋既商店街。
由淺草去池袋，我地由田原町站坐銀座線去上野，再轉山手線去池袋。陽光水族館位於 Sunshine City 商場頂樓， 入場費每位 ¥3000 。
陽光水族館有四個特別設施，第一個係天空企鵝，水族館於頂層設計了一個特別嘅水缸比企鵝游水，遊客於水缸下觀看企鵝，企鵝們彷彿於天空飛翔，非常特別。
第二個係天空海獅圓形水槽，海獅喺一個全透明嘅圓形水槽中兜圈，遊客可以喺一個獨特嘅角度欣賞海獅暢泳。
第三個係弧形水母缸，發光嘅水母於大型水缸中浮浮沉沉，靜靜地企喺度欣賞，就好似欣賞一齣電影。
第四個係水族館除咗魚類之外，仲有兩棲類及爬蟲類動物，其中最特別嘅就係劍蛙。劍蛙係一種好細小嘅蛙類，顏色及紋路都非常漂亮。
午餐去左連鎖燒烤店叙々苑食燒肉，一份午市烤肉套餐只係 ¥3800。套餐肉類包括牛肩脊、牛五花腩肉、鮮蝦，再配白飯、湯、泡菜、韓式伴菜、甜品及飲品。套餐包嘅肉一定唔係和牛，但質素都唔差。
係餐廳對面有間 LABI 電器店，好大間，賣玩具個層好大，不過我哋都係去返附近嘅 Big Camera 買野，因為我哋有優惠券，可以額外有7%折扣。
世嘉於 18/7 開了第一間賣精品既專門店，位於涉谷 Parco 頂樓，即係任天堂專門店旁邊。我地係池袋行到下午 4:30 左右，就坐山手線到渉谷。去到世嘉專門店，門口冇人排隊，店內又冇咩人，心諗可以入去掃超音鼠精品啦！點知門口有位職員唔比我地入去，原來要有整理劵先可以入，後來我上網睇其他人講，要佢一早開門時拎整理劵。好失望呀！我係超音鼠 Fans ，剛剛好黎東京，而佢又剛剛開世嘉專門店，居然入唔到去買野。我係門口望入去，好多新出既超音鼠產品呀！點解冇人係入面都唔比我入去呀！
係世嘉旁開左一間新遊戲死亡擱淺 2 既期間限定店，但我失望既心情，搞到我都冇心機入去行。
我地預約左 7:30 係 Sushi Tokyo Ten 食廚師發辨壽司 Omakase。 價錢每位 ¥19800。最近三次黎東京都光顧呢間壽司店。以廚師發辨黎講，呢個價錢真係好平。每次黎吞拿魚腩、海膽、鮑魚一定唔少得，有時仲有龍蝦或者鮟鱇魚肝，份量一定會食到你好飽好飽。但記住訂位時一定要選廚師面前既吧檯座位，因為廚師會同客人亙動，搞下氣氛，成個進餐過程好愉快及滿足。
 |
| 鮑魚 |
 |
| 海膽 |
No comments:
Post a Comment