第一日已經係哥本哈根，第八日由瑞典返黎又經過哥本哈根，前晚同禽晚都住係哥本哈根。但今日先係正正式式開始遊覽呢個全世界最快樂既城市。
一早先去酒店附近既 Lagkagehuset 麵包店食早餐，丹麥酥真係好好味！
早餐後，我地坐鐵路去羅森堡城堡 (Rosenborg Slot)，羅森堡城堡入場費係 DKK110，我地有哥本哈根咭，所以免費入場。城堡內部有好多不同既房間，每一間都好華麗獨特，去到頂層既大禮堂 (The Knights’ Hall)，天花既雕刻非常精緻。另外去到地庫既寶庫 (The Treasury)，裡面展出金光閃閃既皇冠及寶石，閃到隻眼都標眼水。
 |
| 天花都係雕塑 |
 |
| 王座 |
 |
| 金光閃閃既皇冠 |
午餐我地去左係 Trip Advisor 哥本哈根咖啡店排第一既小店 Gram's Laekkerier 食三文治，小店位於 Kobenhavn H 火車站附近，開門時間只係上午 11:00 至下午 3:00 。三文治其實可以有幾特別，特別到排第一！咁佢既三文治又真係勁好食，個包外脆內軟，包內既餡料及醬汁都非常美味可口，值得排第一既！
嘉士伯啤酒係來自丹麥既哥本哈根，所以係哥本哈根有個 Visit Carlsberg 嘉士伯啤酒廠。我地坐火車去到 Carlsberg 嘉士伯車站，沿路牌行幾分鐘就到。參觀啤酒廠入場費係 DDK 100 ，用哥本哈根卡可免費入場，入場還包一杯啤酒或汽水及免費乘坐馬車一次。
 |
| 嘉士伯車站 |
嘉士伯啤酒廠除左可以睇下製啤酒過程，仲有個博物館介紹嘉士伯歷史，有個玻璃房儲存歷年嘉士伯及旗下品牌啤酒既酒樽。地下有個馬槽，有多隻為嘉士伯服務既馬。另外馬槽外停左幾架古董啤酒車比遊客影相，都幾多野玩同睇。
去完嘉士伯啤酒廠，係哥本哈根市中心有一座新嘉士伯美術館 (Ny Carlsberg Glyptotek)，入場費 DDK95，有哥本哈根卡又係免費入場。呢個美術館比我想像中多野睇，有好多雕塑及油畫，仲有木乃伊。我覺得似小型大英博物館。如果有哥本哈根卡，真係要入黎參觀下。
下午我地係市中心 Radhuspladsen (市政廳廣場) 附近及 Strøget 既商店街行下。行完就去 Tivoli (趣伏裡公園) 。
 |
| 市政廳廣場 |
 |
| 市政廳廣場 |
 |
| Strøget 商店街 |
 |
| Strøget 商店街 |
Tivoli (趣伏裡公園) 係哥本哈根著名的遊樂場，建於 1843 年，係世上第二古老既遊樂場。有哥本哈根卡可免費入場，但裡面所有遊樂設施要另外比錢。因為呢個遊樂場歷史悠久，你唔會搵到環球片場、迪士尼內既高科技 3D 遊樂設施。呢度只有簡單既過山車、碰碰車、木馬、船仔、鬼屋及攤位遊戲，其實好有荔園既感覺。我建議大家黃昏時黎，因為入夜後樂園內各種彩燈，精彩絕倫。
我地既晚飯係樂園內既 Vapiano 餐廳食，佢有少少似 food hall，我叫左個即製意粉，好好食。
No comments:
Post a Comment