201804 冬遊瑞典丹麥第十一日 - 菲英村 (Funen Village)，哥本哈根 (Copenhagen)

今日會離開奧登斯，返去哥本哈根。返去前，我地先揸車去奧登斯附近既菲英村 (Funen Village)，車程大約二十分鐘。我地 9:30 出發，準時係佢 10:30 開門時間到達！

菲英村門口泊車

菲英村係一個模擬安徒生時期既菲英 (Funen) 村落，即係大約十八世紀既時候。村落內有不同既木屋、池塘、圈養動物及農地，真實地重現當時既生活景象。不過，最大問題係冇人，成個村落得少少工作人員行黎行去，唔會好似斯德哥爾摩既斯堪森露天博物館 (Skansen)咁搵戲子扮下當時既人，又唔會有野賣下。間間都係冇人既空屋，好似一個荒廢左既舊村落。因為之前落左雨，村內既路變晒爛泥路，又四圍水氹，真係好難行。我對呢個菲英村有少少失望囉！

由菲英島揸車返去西蘭島，我地去左 Ringsted Outlet。呢度既野都算比出面平，我都係 Le Creuset、Superdry、H&M及 Nike 買到野。

係 Ringsted Outlet 揸半個鐘車，哥本哈根附近有另一個 Outlet，叫 Copenhagen Designer Outlet 。呢個 Outlet 係室內既，似一個大購物商場。裡面都有 Le Creuset 等舖頭，但唔夠 Ringsted Outlet 平。

我地本來打算返哥本哈根先食晚餐，但係 Copenhagen Designer Outlet 旁有間好大既宜家傢俬，我地黎左北歐十一日，都冇去過宜家傢俬，所以決定去呢間食晚餐。係宜家食野，都係肉丸、肉醬意粉、煙三文魚等，價錢同香港差唔多，以丹麥黎講，係超級平。

今晚我地住係一間叫 CPH Studio Hotel 既酒店。位置係機場同市中心中間，都算方便。酒店走工業風，房內有個少少開放式煮食地方。酒店外整條街都可以泊車，好多車位，不過亦都好多車，我地成 9:00 先去到，差不多要去到街尾先搵到位泊車。

有自助洗衣房，要比錢，唔太貴！