禽日係酒店食左佢既早餐，真係太簡單，唔吸引。所以今日我地係附近便利店買左飯團及蒸包，食完就出發去耶馬溪。
 |
| 青之洞門 |
耶馬溪坐擁「日本新三景」、「國家名勝」和「日本遺產」三項美稱。不過大家真係唔好太大期望，日本好多十大咩咩，三大咩咩，基本上好容易會中一兩個。首先我地到達左青之洞門，青之洞門係一條三百多米既隧道，據說於十七世紀由僧人用鑿子同槌子，耗費三十年去完成呢條隧道。隧道附近既環境都好靚，有山有水有草有藍天。
 |
| 僧人像 |
 |
| 青之洞門對出風景 |
下一個景點係羅漢寺。由停車既地方行去羅漢寺本堂，條路太遠都好遠，所以行左少少，睇左沿路好高既樹之後，我地就返去架車揸去耶馬溪重頭戲「一目八景」。
 |
| 有紅葉 |
「一目八景」展望台，就係企係展望台上，以不同方向就可以欣賞到八個不同既奇岩景像。呢八個景分別叫海望嶺、仙人岩、嘯猿山、夫婦岩、群猿山、烏帽子岩、雄鹿長尾嶺和鷲之巢山。夫婦岩其實係有兩條岩石企左係度，就好似香港既望夫石。烏帽子岩就係一條岩石企左係度。其他六個景，我真係冇咁勁想像力聯想出黎。
 |
| 「一目八景」展望台 |
 |
| 「一目八景」展望台附近既散策道 |
 |
| 仙人岩 |
 |
| 群猿山 |
 |
| 夫婦岩 |
 |
| 烏帽子岩 |
係「一目八景」展望台附近有好多食店，我地入左去一間食蕎麥麵，炭火燒雞同燒鱒魚既小店，佢叫做 かじか茶屋。唔知呢間係唔係就係大家時常講既隱世小店，佢既食物係好好食，個燒鱒魚好正。
離開耶馬溪，我地直駛去今日既目的地由布院。我地今晚住既溫泉旅館「山のホテル 夢想園」位於由布院半山。因時間尚早，未有得先去放底行李，所以我地泊架車係由布院最出名既湯之坪街道附近，先去行下街，睇下野。
今日雖然係平日既星期四，但湯之坪街道依然非常多人及熱鬧。我地一路行一路食下野，買左Milch ミルヒ半熟芝士蛋糕，幾好食。又入左去 Snoopy 茶屋食下午茶。係湯之坪街道中間位置，有個地方叫湯布院花卉村，呢個小村係仿照英國小村莊建造，入到去好似去到童話世界一樣。
 |
| 湯之坪街道 |
 |
| Milch ミルヒ半熟芝士蛋糕 |
 |
| Milch ミルヒ半熟芝士蛋糕 |
 |
| Snoopy 茶屋 |
 |
| 湯布院花卉村 |
行到去金鱗湖，我上一次十年前黎係冇太陽，個湖冇咩特別。今次黎到，剛好黃昏，太陽照落黎，金色光茫灑照落湖後既山頭，再倒影落平靜既湖面，非常燦爛既景色。
係湯之坪街道，必定要買 B-Speak 卷蛋蛋糕，我地買左兩件今晚浸完溫泉食。
 |
| B-Speak |
5:30 左右，我地揸車去今晚住宿既山のホテル 夢想園。由湯之坪街道揸去，只係五分鐘車程。夢想園佔地廣闊，成間旅館都係傳統日式建築，不同既溫泉就散佈係整個園林內，當大家換上浴衣，游走於園林內去浸溫泉，不時還可抬頭欣賞園景，感覺非常悠閒寫意。
 |
| 夢想園位於半山，我間房望出既風景 |
 |
| 夢想園內 |
夢想園既溫泉亦來頭不少，內湯就唔講，我只講佢個露天風呂。夢想園一共有三個露天風呂，分別叫御夢想之湯、空海之湯及弘法之湯。御夢想之湯既更衣室係古老既茅草屋頂建築，而溫泉面積有成 165 平方米，非常之大。空海之湯面積就更大，有成 248 平方米，因位於半山，風景極之開揚，可以眺望遠處既山。最後弘法之湯，雖然面積比較細，但係夢想園內歷史最久既露天風呂。
 |
| 御夢想之湯 |
 |
| 御夢想之湯 |
 |
| 空海之湯 (官網相片) |
今晚既晚餐我地冇特別加點什麼，所以都係由旅館安排。菜單係用手寫上我地今晚每一道菜，都有十幾個菜式。食物有一貫日本溫泉旅館既水準，有前菜、烤魚、燒物、鍋物、溫物、甜品及水果。但驚喜就欠奉。
食完飯，休息一陣。我地就去浸溫泉。可能因為係平日，所以冇咩住客。咁大既溫泉幾乎係比我地獨佔。因為冇人，我仲可以影下溫泉既相。
 |
| 出發浸溫泉 |
今晚既宵夜好豐富。有蜜瓜、梨、酒及 B-Speak 卷蛋蛋糕。日本蜜瓜唔使問，一定多汁甜美。幾個朋友都係第一次食 B-Speak 卷蛋蛋糕，佢地食完個個都讚不絕口，仲話聽朝離開前一定要買多一次食。我自己十年前食過好好味，今次再食，水準依舊，保持驚喜。
 |
| 食飽又浸完溫泉，再捲入榻榻米，幸福地入睡 |
No comments:
Post a Comment