今日係最後一日，我地 10:00 帶埋行李離開 Apartment。我地拖住個行李行去博多站，然後將行李鎖係車站既儲物櫃內。今日既目的係狂食野，我地先去天神站附近既 Luke's Lobster 食龍蝦飽。呢個龍蝦飽真材實料，以一整條龍蝦尾放入一個飽，每一口都係飽滿既龍蝦肉。
禽日食過幸福班戟 (幸せのパンケーキ) ，太好食啦！食完龍蝦飽，我地就即刻再去幸福多次。
食完早餐，就要食午餐。我地梗係唔可能接住食午餐啦。我地先去行下天神商店街、Bic camera 電器行及附近商場。
到下午 2:00 就去左ひらお天ぷら 大名店食天婦羅，呢間天婦羅店性價比好高，價錢唔貴，質數唔差。我地去到都好多人光顧。
4:30 左右，我地就要離開去機場。最後我地係博多地下街既 Ringo買蘋果批。佢既蘋果批外層係144層既牛油酥皮，蘋果內餡加上吉士醬，好好味。
去到機場，食埋最後既烏冬，我地就上機返香港囉！
No comments:
Post a Comment