今早去左天台既露天風呂，浸緊係睇唔到個海既，要企起身先見到，但你又會見到海灘既人，仲可以同佢地揮下手。早餐就有沙律、漬物、燒魚及釜飯等。9:00 我地就出發離開別府，我地會先去久住花公園，跟住去日田市食午餐、參觀啤酒廠及果園，最後目的地係鳥栖。
由別府去久住花公園 (くじゅう花公園) ，車程一個半鐘。因為久住花公園位於山上，溫泉低左好多，你見我地既相，大家都著返晒外套。久住花公園由三月至十一月都有唔同既花田可以睇，春天有鬱金香及粉蝶花，夏天有薰衣草及向日葵，到秋天就有大波斯菊。另外溫室內有更多不同種類既花。我地都係呢度玩左一個半鐘。
午餐我地大約揸一個鐘車就去到日田市一條河邊既やな場茶屋。鮎魚 (塘虱) 係日田市既特產之一，而呢間餐廳係旁邊既河上有佢自己既鮎魚場，肥美既鮎魚由河上捉上黎，再簡單地以鹽燒烹調，肉多甜美。
 |
| 鮎魚場 |
Sapporo 係日田有個工場叫日田森之啤酒園 (日田森のビール園)，佢有條免費既參觀路線。其實如果你有參觀過其他啤酒廠，都係大同小異。我地都只係見順路先過黎睇下，唔黎都唔係大損失。
十月份係柿及梨既季節，浮羽市 (うきは市)一帶有好多果園，我本來打算去うきは市観光柿農園，不過去到搵唔到。好彩附近有個浮羽市資訊中心 (Ukiha Information Center)，佢介紹左附近一個叫春光園既果園。去到春光園都幾多人，應該唔差。我同果園既職員講想摘柿，佢就比左工具我地，帶我地去柿園區，教一教我地點摘，跟住我地就自已係柿園自己玩啦。摘完返去磅下，一公斤收 550 Yen。跟住我地仲去埋摘梨，梨就一公斤收 650 Yen。
 |
| 浮羽市資訊中心 (Ukiha Information Center) |
 |
| 梨樹 |
我地揸左 45 分鐘車，去到鳥栖駅，時間只係 6:30，但天都黑晒。我地今晚住既酒店係車站旁，叫 Green Rich 鳥栖駅前，因為只係睡一晚，明早一起身就走，所以選左間平平地既酒店，呢間酒店真係普遍既日本酒店，房細細，不過都整潔既。
放低左行李，我地就行去附近既 Frespo 大型商場行下。之後就揸車去佐賀牛燒肉季樂鳥栖店食飯。季樂係JA佐賀県農業協同組合直營的餐廳，所以品質有保證。佐賀和牛亦係信心保證，油脂豐富，入口即溶。
 |
| 佐賀牛燒肉季樂鳥栖店 |
No comments:
Post a Comment