201810 日本北九州第七日 - 福岡

今日 10:00 先出發，行十分鐘去博多站既たんやHAKATA食烤牛舌早餐，早餐都咁重口味。個牛舌定食只係 500 Yen，好平。食完再係車站既牛角飽名店 il FORNO del MIGNON 買左幾隻食，呢度既牛角飽以重量收費，有原味、朱古力味、紅薯味。

呢兩日會係福岡市內玩，所以我地買左福岡市營地下鐵乘車券，兩日任坐地下鐵，價錢一位720日圓。我地先坐地鐵去祇園站參觀博多町家文化館，不過前往文化館會經過櫛田神社，所以可以一拼參觀。

櫛田神社

博多町家文化館主要係睇博多古老文化傳統。以明治及大正時代為中心。文化館分為展示館、町家館及紀念品店。展示館展出歷史文化，以往商家既工具等。町家館就係明治時期，紡織業者既家居及工廠。

行五分鐘左右就去到川端通商店街，然後我地再去行博多運河城購物中心。

川端通商店街

豆腐雪糕

午餐打算食壽司，係博多運河城有間叫平四郎壽司。我地入左去食，食完好驚訝。第一次可以係日本搵到唔好食既壽司。

食完唔好食既午餐，我地就去左大濠公園行下，大濠公園佔地 39.8 公頃，公園內既湖都佔22.6公頃。圍繞湖邊既步道種植了垂柳，好靚。我地仲坐上天鵝船去遊湖。

5:30 下午茶時間，我地去左位於天神站既幸福班戟 (幸せのパンケーキ)。今次係我地第一次食日式班戟，好驚喜，班戟彈彈下好有動感，入口超濃蛋香味。

食完之後，我地都係四圍行下，行到 9:00 就去左びっくりかにや博多店食 90 分鐘蟹放題，每位 2800 日圓。放題包烏冬、豬肉及長腳蟹腳。係枱面會有個鰹魚昆布的湯底鍋，只要將蟹腳輕輕灼一灼，就可以食，啖啖肉，啖啖鮮甜。我地一行六人，以驚人速度狂食蟹腳，食到老細都話冇晒蟹腳啦！