酒店食完早餐就離開去鳥栖 Outlet 購物。因為今日係星期日，都好多人。我地 10:00 去到，行左兩個鐘，朋友們都大有斬獲。
今日既午餐係專登揸車去柳川食鰻魚飯。由鳥栖揸一個鐘車去到柳川既元祖本吉屋，去到門口勁多人，好彩等左二十多分鐘就入到去。四年前黎食過，一直念念不忘，今次再黎，終於又可品賞呢個我食過最好味既鰻魚飯。專登揸車黎食都係值得既。
下一個地方就係太宰府，由柳川過去大約一個鐘頭十五分鐘車程。太宰府天滿宮係全日本超過 12000 座天滿宮既總本社，地位超然。而太宰府既表參道開滿商店及不少美食。講到美食，太宰府必吃既美食, 梗係梅枝餅。不過表參道兩旁滿佈賣梅枝餅既食店，究竟邊一間先好呢？十年前我光顧過一間叫「かさの家」，今日佢仲係度，一定有佢既實力。其實梅枝餅唔係有梅既，佢只係一件紅豆糯米餅。去到表參道，記得要去睇下 Starbucks，佢整個設計都係用上木條，好特別。
 |
| 表參道 |
今晚我地就返去福岡還車，然後係福岡市內玩兩日。係福岡，我地租左 Apartment 叫 Residence Hotel Hakata 12，房間好大，有廳、有房、有開放式廚房、洗衣房、浴室及洗手間。不過地點就麻麻地，要行十分鐘先去到博多站，沿路仲要冇野睇既，如果一路行一路有商店睇下，十分鐘就好快到。
博多車站鄰近有0101百貨、AMU PLAZA、阪急百貨、Yodobashi電器行，好多野行!
晚餐就去左博多一双食拉麵，一双出名係超濃厚豬骨湯底。不過我又唔係太覺得佢好濃！
只係食碗拉麵一定唔夠飽，我地跟住去左魚民居酒屋再食。
No comments:
Post a Comment