201510 南法秋遊第十一日 - Nice (尼斯)

今日最後一日係南法，下午 5:04 會坐火車去巴黎，所以我地有大半日時間遊尼斯，好好彩，今日依然晴天！今日既早餐，我地走入一間小咖啡店，店內得老闆娘一個人，客人全都係熟客，好地道既小店。我就食左件多士、奄列同飲左一杯咖啡。即叫即整既食物，一定唔會差得去邊！

食早餐小店

我既早餐

尼斯海邊既英格蘭散步大道 (Promenade des Anglais)，係一條著名既海濱步道，全長有五公里。呢條大道棕櫚樹林立，開滿商店、餐廳、咖啡廳、賭場及酒店，並能夠飽覽蔚藍的地中海及鵝卵石海灘既美景。

英格蘭散步大道

尼斯海岸

有好多沙灘椅係沙灘

我都坐下先

係英格蘭散步大道東面有個大型市集 Cours Saleya，市集於早上六點至下午一點半營業。市集有超多野賣，有生果、鮮花、麵包、糖果、鮮豔既陶製品、薰衣草、香皂及手工藝品等。呢個市集真係好好行！

呢度行入去就係市集

有生果

陶製品

鮮花

香皂

我地行返出去英格蘭散步大道，大道上有自助租借既單車。見仲有時間，就租左黎係英格蘭散步大道玩下。我地騎住單車沿大道走，蔚藍色既海，溫暖既天氣，好多比堅尼都返左出黎啦！

自助租借既單車

係英格蘭散步大道

去左另一邊睇返英格蘭散步大道

今日真係超好天

我都話比堅尼返左黎啦

有個小自由神像

午餐我地去左市集旁一間叫 Le Flore 既餐廳，因為天氣實左太好，我地就坐左係戶外既位置，曬住陽光食午餐。呢餐都係食下牛扒、蝸牛、青口及沙律！

Le Flore 餐廳

我地坐露天位置

午餐後都已經過左 3:00，係時候去走啦！我地去停車場攞車，入埋油就揸去火車站還車。

尼斯火車站

尼斯火車站入口

我地坐 5:04 分火車去巴黎，車程要五小時四十分鐘，去到巴黎會係晚上 10:44。所以上車前係火車站既 Paul 麵包店，買左麵包上車做晚餐。係火車瞓下、食下野，其實好快就去到巴黎，不過唔知搞咩，我地去到巴黎已經晚上 11:30，架車差唔多遲左一個鐘先去到巴黎。

Paul 麵包店

我地座呢架火車去巴黎

火車內

火車內既小食店

我地既晚餐

去到巴黎, 凍左好多, 好掛住溫暖既南法

我地訂左係 Paris Gare de Lyon 火車站旁既 Mercure Paris Gare de Lyon 酒店。一出火車站，旁邊就係酒店。我地快快 check-in，跟住就上房休息啦！因為聽日仲有緊密既行程！

Mercure Paris Gare de Lyon 酒店既房