今日係行程就後一日，我地會係米子鬼太郎空港坐下午 5:10 飛機返香港。我地而家身處既城崎溫泉離米子有成 170 公里，所以我地今日就係揸車日！中途都會停一停休息及食午餐。
一早起身係旅館既「水風」浸溫泉，真係好好彩，室內及露天風呂都冇人，我又可以一個人獨佔風呂。浸完溫泉，食過早餐，然後出去城崎溫泉車站附近影下相，大約 9:30 開車離開。
 |
| 「水風」溫泉 |
我地揸左 50 分鐘車，去到余部橋梁。呢條橋幾特別架，第一代既鋼橋於1909年12月開工、1912年3月竣工。現今第二代水泥橋於2007年3月開工、2010年8月竣工。而舊橋有部份保留下來，用作興建余部鉄橋「空の駅」展望台之用。現在余部橋梁係呢一帶其中一個熱門既觀光點。我地因為趕時間，所以都係停一停休息下，冇上到去「空の駅」。
 |
| 舊余部橋梁既鋼材 |
 |
| 余部橋梁 |
 |
| 舊余部橋梁照片 |
再揸多一個鐘車，我地去到道の駅 神話の里「白うさぎ」- 白兔神社 。呢個道の駅除左有休息站及餐廳，旁邊有條路通去白兔神社。白兔神社係神話「因幡的白兔」內，白兔神跟大國主神結緣既地方。係呢度，不論四周你都見到跟兔仔有關既野，有白兔手信、白兔石雕、白兔的士等。
 |
| 道の駅 神話の里「白うさぎ」 |
 |
| 白兔神社 |
 |
| 白兔郵筒 |
 |
| 白兔的士 |
 |
| 白兔手信 |
我地本來打算係道の駅食午餐，入到去見到有間食海鮮刺身既餐廳。睇下個餐牌，好熟口熟面喎，未同賀露港既海陽亭餐牌一樣既！你唔好以為改左名我就唔認得你。經過上次係海陽亭既不快經歷，我係唔會比多次機會你既。所以我寧願唔食！走！
我地一路向米子方向走，去到另一個道の駅，叫 はわい 。我地入去，食左個定食午餐，簡簡單單，又平又好食！
 |
| 道の駅 はわい |
經過慢長既車程，我地終於 14:45 返到去米子空港。係 Toyota 還左車，然後坐 Toyota 提供既接駁車去機場。係機場既商店買埋最後既手信，跟住我地就坐 17:10 既飛機返香港。呢個山陰旅程亦都完結啦！
 |
| 返到鬼太郎米子空港 |
No comments:
Post a Comment