要欣賞整個杜布羅夫尼克 (Dubrovnik) 舊城區，可以坐纜車上 Srđ 山睇，就好似香港坐纜車上太平山睇全景一樣。我地一早去到纜車站， 已經排大隊。係排緊既時候，有個男人走過黎，佢話 KN300 可以坐佢架的士車我地上山，途中會停一停一個影靚景既地方。纜車回票價係 KN170，單程係 KN90。我地諗一諗，可以坐的士上去，然後坐返纜車落黎，都幾好，咁我地就跳上佢架的士啦！
 |
| 纜車 |
 |
| 山腳纜車站 |
係途中，佢停左係一個叫 Dubrava Observation Point 既地方，呢度可以無任何遮擋下影到成個舊城，阿司機先生仲幫我地影合照，選擇坐的士上黎都幾好，可以多一個景點。
 |
| Dubrava Observation Point 影既 Dubrovnik |
上到山上纜車站，有一些小店及餐廳。不過多數人都係不斷係唔同角度影返個舊城。另外山頂最高處有一座石做既十字架。
由山頂返去舊城區，我地去舊城既港口坐船去洛克魯姆島 (Lokrum Island)，船程約十分鐘。洛克魯姆島係一座位於杜布羅夫尼克東南邊既小島，面積只有約 0.7 平方公里。島的中央地帶有動植物公園 (Botanical Garden)、修道院 (Benedictine Monastery)。係公園內有好多野生孔雀及野兔四圍走。修道院裡面放左權力遊戲既鐵王座，遊客可以坐上去影相。
 |
| 坐呢架船去洛克魯姆島 |
 |
| 左上角就係洛克魯姆島 |
 |
| 修道院 |
 |
| 修道院 |
 |
| 權力遊戲既鐵王座 |
係島既南面就有個湖 (Dead Sea) ，舊小型碉堡及天體海灘。因為天氣有少少涼，所以個湖得幾個細路玩水，天體海灘就一個人都冇。
 |
| Dead Sea |
 |
| Dead Sea |
 |
| 小型碉堡 |
 |
| 露天咖啡廳食午餐 |
 |
| 午餐 |
 |
| 天體海灘 |
 |
| 其實係石灘 |
向島既北面行，可以經過一條叫天堂之路 (The Path of Paradise) 既斜路行到去位於島最高點既皇家堡壘 (Fort Royal)。係皇家堡壘可以清楚望返去杜布羅夫尼克。
 |
| 行去天堂之路 |
 |
| 天堂之路 |
 |
| 天堂之路 |
 |
| 皇家堡壘 |
 |
| 皇家堡壘 |
 |
| 皇家堡壘望返去杜布羅夫尼克 |
坐船返去杜布羅夫尼克舊城，舊城既城牆可以比 KN200 一個人上去行一個圈，我地覺得都幾貴，所以冇上到去。係舊城內，其實仲有好多景點可以去睇。
史特拉敦大道 (Stradun) 係杜布羅夫尼克最主要及熱鬧既地方。史特拉敦大道由舊城西面 Pile Gate 城門一直伸延到東面既盧札廣場 (Luza Square)，全條路由石灰岩舖設而成，再加上兩旁林立建築物及商店，係杜布羅夫尼克獨有特別的景色。
 |
| 史特拉敦大道 (Stradun) |
 |
| 史特拉敦大道 (Stradun) |
係盧札廣場旁就係聖布萊斯教堂(Church of St. Blaise)及瞻仰總督宮(Rector’s Palace)。聖布萊斯教堂建於 1715 年，由威尼斯建築師興建。因為教堂正正位於盧札廣場旁，好多慶典都係教堂前舉行，所以聖布萊斯教堂係杜布羅夫尼克其中一所重要既教堂。
瞻仰總督宮建於1435年，係14世紀至1808年是拉古薩共和國總督既辦公室，係當時權力既核心。而家已經改為一間博物館。入去總督宮參觀須要收費，我地只係門口影下相就去下一個景點。
 |
| 瞻仰總督宮(Rector’s Palace) |
 |
| 聖布萊斯教堂(Church of St. Blaise) |
係瞻仰總督宮旁有另一間教堂，杜布羅夫尼克主教座堂(Dubrovnik Cathedral)。此教堂建於 1713 年，而家係天主教杜布羅夫尼克教區既主教座堂。據說佢有個珍寶館，並收藏左好多著名文物，不過我冇比錢入去睇。
係杜布羅夫尼克主教座堂附近仲有另一間教堂聖依納爵堂 (St Ignatius Church)。係前往教堂前，會經過耶穌會樓梯 (Jesuit Staircase)，呢條樓梯亦係權力遊戲重要取景地點，所以係杜布羅夫尼克地標之一。唔知點解呢條樓梯令我覺得好似巴黎聖心教堂 (Basilique du Sacre) 前好著名既樓梯。
 |
| 耶穌會樓梯(Jesuit Staircase) |
 |
| 聖依納爵堂 (St Ignatius Church) |
 |
| 聖依納爵堂 (St Ignatius Church) |
 |
| 附近市集 |
係史特拉敦大道西邊，Pile Gate 城門旁就係另一地標，歐諾佛利歐水池 (Onofrijeva Fontana)。水池係一個圓柱形，四周有好多精美既面具雕刻出水口，好似話泉水可以直接飲用，不過我冇試到。
 |
| 歐諾佛利歐水池 (Onofrijeva Fontana) |
圍繞住城牆可以睇下聖約翰堡 (Fort St. John) 、波克爾堡壘 (Bokar Fort) 及波克爾堡壘對面既羅維里耶奈克要塞 (Lovrijenac)。呢幾個堡壘都係以前重要既防禦外敵既設施。
 |
| 右邊係聖約翰堡 (Fort St. John) |
 |
| 波克爾堡壘 (Bokar Fort) |
 |
| 波克爾堡壘 (Bokar Fort) 對面權力遊戲場景 |
明天我地就完結今次克羅地亞旅程，今晚搵間好既餐廳食晚餐。我地去左一間叫 Dubravk 1836 Restaurant & Café 既餐廳，餐廳對正波克爾堡壘 (Bokar Fort)，我地坐係露天位置，睇住我個堡壘食晚餐。我地叫左青口做頭盤，主菜叫左牛扒及豬扒等，甜品就有蘋果蛋糕及芝士蛋糕。其實所有食物都正正常常既，味道都好正路。可能禽晚既晚餐太精彩，今日食正常西餐就有少少失望。不過我重申一下，Dubravk 1836 Restaurant & Café 唔係唔好食既，佢個景對住波克爾堡壘都係正既，完！
食完晚飯，行返去 apartment 時，順便影下杜布羅夫尼克既夜景。
 |
| 波克爾堡壘 (Bokar Fort) |
 |
| 史特拉敦大道 (Stradun) |
 |
| 盧札廣場 (Luza Square) |
No comments:
Post a Comment