我地由薩格勒布 (Zagreb)先向西面去羅維尼 (Rovinj)及普拉 (Pula)，再到中部既十六湖國家公園 (Plitvicka Jezera)，然後到南面扎達爾 (Zadar)、克爾卡國家公園 (Krka National Park)、斯普利特 (Split) 及杜布羅夫尼克 (Dubrovnik)。另外係斯普利特 (Split) 會參加出海團去睇藍洞 (Blue Cave) 及參觀附近一帶小島。
我地今次一行四人，由香港坐漢莎航空，早上 05:05 到達慕尼黑 (Munich)，因為有七小時轉機時間，我地就坐火車出去瑪利亞廣場 (Marienplatz) 一帶行下，順便食個德國早餐。
下午 12:05 係慕尼黑上機，一小時左右，下午 13:05 到達克羅地亞首都薩格勒布 (Zagreb)。我地打算坐 290 號巴士，再轉電車到市區內既酒店，巴士票要先係機場內購買，我地四個人一共 KN32 (約 HK$38.5)。巴士站係機場對出一條大馬路，大約露天行一百米左右，但因為突然落大雨。如果我地行去巴士站，一定濕晒，所以我地決定放棄左張巴士票，轉左去坐的士。由機場去到市中心，的士價錢係 KN200 (約 HK$240)。雖然比巴士貴，但我地四人除開，其實每人都只係 HK$60。
 |
| 冇咩人既機場 |
我地住係 Zagreb Sleep & Eat 既兩房公寓，去到公寓樓下，按鐘仔冇反應。我打比個屋主，佢要一個鐘先黎到。我地拎住行李，去唔得遠，見公寓旁有間小店叫 Mimice，就入去食下野。我地叫左燒魚、炸魚及炸魷魚圈。連埋汽水，一共 KN167 (HK$200)，好平。而呢間既燒魚非常好味，竟然係成個旅程食到既燒魚中最好食。
Zagreb Sleep & Eat 呢兩房公寓幾好，地方大，仲有個大開放式廚房，離市中心又好近。附近仲有超級市場及咖啡店。我地住兩晚，四個人都只係 HK$2000 左右。
安頓好都已經下午 5:00，我地步行前住市中心既耶拉西奇廣場 (Ban Josip Jelačić Square)，耶拉西奇廣場位於新城區及舊城區中間，係廣場向北上山方向就係舊城區。
 |
| 公寓樓下 |
 |
| 耶拉西奇廣場 |
 |
| 耶拉西奇廣場 |
 |
| 耶拉西奇廣場 |
舊城區方向行一陣就會見到聖母升天大教堂 (Zagrebačka katedrala)，係教堂前有一支聖母瑪莉亞紀念柱，金色既雕像都幾搶眼。我地入去教堂，裡面好多人，原來做緊出殯儀式，咁我地都係走啦！
公寓既屋主介紹有一間食傳統克羅地亞菜既餐廳比我地，叫做 Restaurant Purger。入到去感覺好似香港太平館之類既餐廳，唔係好高級食 fine dinning 既，係好地道，好似有歷史既餐廳。
我地叫左四個湯，兩個蘑菇湯、兩個番茄湯，點知佢黎左兩大盆湯黎，我都唔係好明咩事。佢個蘑菇湯原來唔係我地平時飲開既忌廉蘑菇湯，佢係似個雞湯底，再放蘑菇片入去煲。蘑菇唔會溶係個湯入面。
 |
| 兩大盆湯 |
 |
| 釀青椒 |
No comments:
Post a Comment