今日我地參加左一個藍洞 (Blue Cave) 一天旅行團，早上 7:30 於 Riva 對出既碼頭出發。呢個團每位 Euro 110，由朝早 7:30 至下午 6:30，除左去藍洞，仲會去外島維斯島 (Vis island), Budikovac island 及赫瓦爾島 (Hvar island)。
 |
| 赫瓦爾島 (Hvar island) |
7:30 集合，8:00 左右上船出發。隻船係一隻坐十二人既快艇，冇位比你走動，全程坐係度唔可以起身，廁所都冇得去。最大鑊係隻艇開得好快，但又無遮無掩，全程海水強風不停打埋黎，好鬼凍。我地由斯普利特 (Split) 先去 Bisevo island，呢程船一小時四十五分鐘。我全程用佢比既毛毯包住全身保暖，架快艇又勁上下左右搖，瞓都瞓唔到，好辛苦先捱完呢一小時四十五分鐘。
 |
| 坐呢架快艇 |
 |
| 離開斯普利特 |
藍洞 (Blue Cave) 係位於 Bisevo island，我地到達 Bisevo island 碼頭，要轉藍洞專用既小艇慢慢駛入藍洞。入到藍洞，真係好夢幻，海水因為陽光穿過海底再反射而變成螢光藍色，我地架小艇就飄浮係一片藍海之上。雖然係洞內只有短短數分鐘，但一定畢生難忘。
 |
| 藍洞專用既小艇 |
由藍洞返去 Bisevo island 碼頭，跟住就上返我地架快艇開去維斯島。首先係去科米扎 (Komiza)小鎮，我地有大約四十五分鐘時間觀光。呢個鎮其實好細，所以夠晒時間。據說電影 Mama Mia 既希臘小島，其實就係維斯島拍攝。因此你係科米扎會以為自己係希臘既小島上。
 |
| 科米扎 |
 |
| 科米扎 |
離開 Bisevo island 後，下一個景點係 Stiniva Bay。Stiniva Bay 係一個細小既海灘，兩旁被大礁石包圍，導遊仲話呢個沙灘得過全歐洲最美沙灘既美譽。當我以為可以上個沙灘行下，點知原來只係係架艇上睇下，跟住就開走去下一個景點。
 |
| Stiniva Bay |
下一個景點就係綠洞 (Green Cave)。綠洞比藍洞大，所以可以坐我地架艇入去。綠洞內既海水又因光線影響下形成綠色，洞頂有一個小孔，可以比陽光照一條線入洞。跟藍洞比較，綠洞真係冇咩特別。
跟住我地又可以上岸，今次係帕克林斯基群島 (Paklinski otoci) 既 Vinogradisce Bay 海灣。佢放低我地係呢個海灣係比我地游水，但得半個鐘時間，因為天氣比較涼，而時間又太短，所以我地只係度行下，影下相就算。呢度既海水係勁清，一場黎到，唔游水都浸下腳。
 |
| Vinogradisce Bay 海灣 |
 |
| 海水勁清 |
下午 2:00 ，我地黎到最後既景點赫瓦爾島 (Hvar Island)，赫瓦爾島既面積好大，島嶼東西長約80公里。我地只係停留係赫瓦爾島最大既鎮赫瓦爾(Hvar)，呢個鎮其實同個島係同名既。
 |
| 赫瓦爾(Hvar) |
 |
| 赫瓦爾(Hvar) |
赫瓦爾主教座堂 ( Cathedral of St. Stephen) 前有一個大廣場，廣場有幾間餐廳，我地去左一間叫 Spice Asian Food 餐廳，不過唔係食亞洲野，我地叫左薄餅及意粉。坐係個大廣場食午餐，都幾寫意。
 |
| 大廣場 |
 |
| 赫瓦爾主教座堂 ( Cathedral of St. Stephen) |
午飯後，我地行左上山上既堡壘 (Spanish Fortress)。堡壘建於十六世界，由當時統治既威尼斯人興建。去到堡壘入口，要比入場費先入去，剛好有個同團既團友出黎，我地問佢入面有冇野睇，佢唔建議比錢入去，咁好地就唔入去，係出面影下相就算。上到堡壘前，仲可以一覽整個赫瓦爾鎮既景色。
 |
| 開始上山 |
 |
| Spanish Fortress 堡壘 |
 |
| 赫瓦爾 |
係赫瓦爾逗留左三個鐘，我地要坐快艇返斯普利特，又係惡夢既開始。回程架艇開得勁快，上上下下不停咁拋，我見坐我前面個團友不停比海水打落塊面，開頭佢都搵野遮下，後來佢放棄人生，由得海水打埋黎，落艇時，佢真係全身濕晒。回程比去程快，一個多小時就到，同埋下午冇清早咁凍，比想像中好少少！
 |
| 同導遊合照 |
落船即刻返 Apartment 沖涼，然後晚上 7:30 去昨晚訂左位既 Konoba Fetivi 食晚餐。Konoba Fetivi 係米之蓮推介餐廳，跟據米之蓮介紹，呢間餐廳係家庭式經營，主打食海鮮及肉，而佢個蘋果批 (Apple strudel) 非常出色。
我地叫左魚湯、蝦忌廉湯、兩條烤魚、牛扒、蘋
果批 (Apple strudel)及傳統克羅地亞焦糖布甸 (Rozada)。如果叫烤魚，侍應會拎一盒魚出黎介紹，並比我地選擇，我地選左兩款魚，烤出黎都非常美味，非常新鮮。另外湯，牛扒都好出色。特別要讚既係個蘋
果批，真係好自家 Homemade 既味道，酸甜度剛剛好，係一定要食既甜品。相對下，個克羅地亞焦糖布甸就比較平凡。
No comments:
Post a Comment