今日只做一件事，就係遊十六湖國家公園上湖區，時間好充足，所以我地瞓到 8:00 先起身，跟住揸架車去附近超級市場買野返公寓煮早餐。食完後，11:00 先出發。
 |
| 超級市場 |
 |
| 早餐 |
我地揸架車去十六湖國家公園二號入口既停車場，泊好車就入公園啦！我地今日係行 E 路線，全長約 5100 公里，大約需時 3 小時。今日既天氣超好，我地行上湖區，一路向上行，經過種種唔同形態既瀑布同湖，係陽光下閃閃發光，真係勁靚。禽日天氣唔好既十六湖，跟今日天氣好既十六湖真係差好遠，起碼相差 50%。十六湖國家公園，佢既規劃、配套及景致，真係世界級，行一陣又有靚景，行一陣又有，你真係會不停影相。唔怪得佢係克羅地亞最著名既必到景點。
我地玩左 3 個鐘後，午餐走左去十六湖酒店 (Plitvice Hotel) 既餐廳 。我地去到差唔多下午 2:30，因為太晏，所以冇咩人。我地叫左湯、牛扒及雜扒。你地睇下個牛扒好厚身，個雜扒用個盤上，盤下有個火保溫，淨係個樣都冇得輸。但係完來係有得輸架，個牛扒同雜扒都勁乾，唔好食！個雜扒份量仲咁勁，食晒都有少少辛苦。估唔到酒店餐廳既食物仲差過禽晚既快餐。呢餐四個人 KN710 (HK$862)，係克羅地亞算係貴野，但唔值囉！
食完都差唔多 4:00，其實都冇咩地方去。我記得上網見過有一個秘密觀景台 (Vidikovac)，可以係高處俯瞰下湖區一級級既湖及瀑布，個景超無敵。個觀景台位置大概接近大瀑布 (Great Waterfall) 既頂，網上冇咩資料提供詳細地點，問十六湖國家公園既詢問處都話唔知，好神秘！我地就決定去試下探秘！
我地睇下 Google Map，可以揸車去到大瀑布附近，咁就唔駛行上山咁辛苦。我地揸到山上，第一次過左龍，去遠左，之後返轉頭停係一個 T 字路口。跟住見到係草叢中有條少少既路，不過冇路牌指示，我地試下行入去，行緊時又似係又似唔係，後來行到山邊，終於見到個觀景台。個觀景台好明顯係已經荒廢，成地泥水，圍欄既石都爛左冇維修。不過呢度個景真係無敵，最可惜係呢個時間，個一級級既湖及瀑布比個山既影摭住，呢度應該係中午太陽正中射落去時最靚既。
 |
| 位置 |
 |
| 由小路行入去 |
 |
| 小路向前行 |
 |
| 秘景 |
午餐食左難食既野，今晚要食返好野。我地揸車去左一間叫 Plum Bistro & Caffe 餐廳，呢間餐廳係 Tripadvisor 中呢個區域第一名既餐廳。我地叫左燒鱒魚、黑松露意大利飯、鴨胸及沙律。呢度既燒鱒魚可以比美禽日下午羅斯托克(Rastoke)既燒鱒魚，黑松露意大利飯有一片片黑松露係面，一上枱已經聞到好濃既黑松露香。呢間餐廳絕對對得起第一名呢個名，食物及環境都好好！
 |
| 冷壓果汁，好飲 |
 |
| 燒鱒魚 |
 |
| 黑松露意大利飯 |
 |
| 鴨胸 |
 |
| 鴨胸 |
No comments:
Post a Comment