七月頭時又有歐港星平機票，今次仲平得好離譜。去程坐奧地利航空既新航線，由香港飛維也納再轉機去倫敦。回程就由蘇黎世坐瑞士航空直飛香港，另外仲有一程由香港坐因航去新加坡，連所有稅項，超低價 HK$2661 一個人。一見到唔駛多考慮，買左先算！
 |
| 第一次坐奧地利航空 |
九月九號中午 12:55 先坐 12 個鐘左右去維也納。第一次坐奧地利航空，架機都好新，座位唔算太窄，影音系統都好多戲睇。空姐又好好咁時常派野飲。我自己唔係太怕坐長途機，因為好多時一上機我就戴住 earphone 聽歌，跟住就狂瞓，好快就到目的地。去到維也納，得 40 分鐘轉機，因為維也納機場唔係太多人，機場又唔大，所以時間充足有餘。
 |
| 奧地利航空 |
 |
| 飛機餐擺設好特別，三角形咁既樣 |
由維也納坐兩個半鐘機去到倫敦希斯路機場，去到已經係晚上 9:30。我地會係機場附近既 ibis Styles London Heathrow Airport 住一晚，聽朝再坐瑞士航空去日內瓦。呢程機係我另外買既，價錢係 GBP71。希斯路機場有一個好大既問題，就係機場好大同超多人。我本來諗住 9:30 落機，然後入埋境，可以坐機場 10:25 開既 Hoppa Shuttle (H9) 去酒店，車程 7 分鐘。但係入境排大隊，搞左超過一個鐘，所以要趕尾班 11:25 既 Hoppa Shuttle。
 |
| Hoppa Shuttle，我地唔係坐呢架 H4 |
我地只係倫敦住一晚，所以我冇換英鎊。本來諗住可以用信用卡比 Hoppa Shuttle，點知只收現金，咁我未走去坐的士。的士站有個職員會問我地去邊，然後同個的士司機講。去到架的士前面，個的士司機問我係唔係比現金，我話比卡，佢好唔高興，話唔載，跟住同個職員講我地唔係比現金，叫佢叫另一個乘客黎。個職員同佢嘈左幾句，都冇佢符，叫我地企一邊等一等。我地等左幾分鐘，我問個職員個的士司機係唔係唔鍾意我地比信用卡，佢話唔鍾意太近。為免佢難做，我同佢講我去坐 Hoppa 啦！
離尾班車只有十多分鐘，我即刻衝返入去機場大樓，然後用提款卡提取 GBP40。唔知係唔係越趕越見鬼，我入左密碼，入埋銀碼，跟住部機話唔得，又冇講點解唔得。我試左幾次都係咁，我即刻轉另一張卡，又係咁。我再轉用另一張卡，終於提到錢，嚇死我！
我衝返出去個站，好彩架車仲未黎。等左十幾分鐘，架車成 11:34 先到，遲左九分鐘。呢架坐七分鐘既車，每位 GBP4.5，來回 GBP9。
去到酒店，上到房已經差唔多 12:00。聽日坐 8:55 飛機，所以我地聽日會坐 6:11 既 Hoppa 返去希斯路機場，我地得返五個鐘左右瞓。
 |
| ibis Styles London Heathrow Airport |
 |
| ibis Styles London Heathrow Airport |
No comments:
Post a Comment