201810 日本北九州第八日 - 福岡

今日係最後一日，我地 10:00 帶埋行李離開 Apartment。我地拖住個行李行去博多站，然後將行李鎖係車站既儲物櫃內。今日既目的係狂食野，我地先去天神站附近既 Luke's Lobster 食龍蝦飽。呢個龍蝦飽真材實料，以一整條龍蝦尾放入一個飽，每一口都係飽滿既龍蝦肉。

201810 日本北九州第七日 - 福岡

今日 10:00 先出發，行十分鐘去博多站既たんやHAKATA食烤牛舌早餐，早餐都咁重口味。個牛舌定食只係 500 Yen，好平。食完再係車站既牛角飽名店 il FORNO del MIGNON 買左幾隻食，呢度既牛角飽以重量收費，有原味、朱古力味、紅薯味。

201810 日本北九州第六日 - 鳥栖，柳川，太宰府

酒店食完早餐就離開去鳥栖 Outlet 購物。因為今日係星期日，都好多人。我地 10:00 去到，行左兩個鐘，朋友們都大有斬獲。

201810 日本北九州第五日 - 日田，鳥栖

今早去左天台既露天風呂，浸緊係睇唔到個海既，要企起身先見到，但你又會見到海灘既人，仲可以同佢地揮下手。早餐就有沙律、漬物、燒魚及釜飯等。9:00 我地就出發離開別府，我地會先去久住花公園，跟住去日田市食午餐、參觀啤酒廠及果園，最後目的地係鳥栖。

201810 日本北九州第四日 - 別府

幸福地瞓左一晚好覺，一早起身又去浸溫泉。早上露天風呂既景致跟昨晚完全不同。一面浸一面欣賞四周的景色，好開心。 (呢篇 Blog 係 2022 年寫番當時既野，因疫情已經三年冇去日本，冇浸溫泉，好懷念呀！) 早餐當然係日式早餐，有飯、漬物、鍋物、燒魚及甜品等，最後仲有杯咖啡。

仲有貸切露天風呂可以免費使用

201810 日本北九州第三日 - 耶馬溪, 由布院

禽日係酒店食左佢既早餐，真係太簡單，唔吸引。所以今日我地係附近便利店買左飯團及蒸包，食完就出發去耶馬溪。

青之洞門

201810 日本北九州第二日 - 門司港, 下関

係酒店食左個簡單既日式早餐，沙律、麵鼓湯及白飯，我地就上車去門司港。由小倉去門司港只須半小時車程，好快去到。

酒店食早餐既地方

201810 日本北九州第一日 - 小倉

我地今次一共有六個人，有四個會先坐早上飛機去福岡，先出市區行下。我就坐下午 1:05 飛機去福岡機場，到達時間係下午 5:05，過關同拎行李都好快，半個鐘左右搞惦。今次我係 Budget 訂左架 Toyota Alphard，六個人六件行李，放得晒，冇問題。Budget 間公司唔係機場內，但係機場有個櫃位，不過冇職員既。你要拎起櫃位個電話同佢講你到左，跟住佢先搵架車過黎接你去佢公司。

Budget 租 Toyota Alphard

201804 冬遊瑞典丹麥第十五日 - 哥本哈根 (Copenhagen)，慕尼黑 (Munich)

今日我地坐 12:55 早機離開丹麥，旅程最後既早餐，我去左食我覺得最有丹麥特色 Lagkagehuset 麵包店丹麥酥，當係留返個美好既早餐回憶。

201804 冬遊瑞典丹麥第十四日 - 哥本哈根 (Copenhagen)

哥本哈根既 Nyhavn (新港運河) 係遊客必到既景點，新港運河興建於1671 至 1673年，是當時商業最繁盛的地區。現在新港運河保留著十七世紀建造既顏色鮮豔房屋，並改為酒吧、咖啡店和餐館。

201804 冬遊瑞典丹麥第十三日 - 哥本哈根 (Copenhagen)

第一日已經係哥本哈根，第八日由瑞典返黎又經過哥本哈根，前晚同禽晚都住係哥本哈根。但今日先係正正式式開始遊覽呢個全世界最快樂既城市。

一早先去酒店附近既 Lagkagehuset 麵包店食早餐，丹麥酥真係好好味！

201804 冬遊瑞典丹麥第十二日 - 希勒勒 (Hillerod)，赫爾辛格 (Helsingor)

今日既行程係北上，先去希勒勒 (Hillerod)，再去赫爾辛格 (Helsingor)，晚上回哥本哈根機場還車。我地一早出發，揸車去搵早餐食，我地去到希勒勒，見到有間咖啡店，就停車入去食早餐。

201804 冬遊瑞典丹麥第十一日 - 菲英村 (Funen Village)，哥本哈根 (Copenhagen)

今日會離開奧登斯，返去哥本哈根。返去前，我地先揸車去奧登斯附近既菲英村 (Funen Village)，車程大約二十分鐘。我地 9:30 出發，準時係佢 10:30 開門時間到達！

菲英村門口泊車

201804 冬遊瑞典丹麥第十日 - 奧登斯 (Odense)

今日既天氣好差，不時落毛毛雨。我地今日既安排係奧登斯 (Odense) 市內觀光。係房內食左早餐，我地就行去市中心。丹麥有童話王國之稱，而著名既童話書作家安徒生既故鄉就係奧登斯，所以係奧登斯市內可以搵到好多有關安徒生既足跡。

自家早餐

201804 冬遊瑞典丹麥第九日 - 比隆樂高樂園 (Legoland, Billund)

丹麥係樂高積木 (Lego) 既發源地，咁全球第一個樂高樂園 (Legoland) 當然係位於丹麥啦。今日我地就係去呢個全球第一個係 1968 年開幕既樂高樂園。

201804 冬遊瑞典丹麥第八日 - 斯德哥爾摩 (Stockholm)，奧登斯 (Odense)

今日我地會離開瑞典，返去丹麥，目的地係奧登斯 (Odense)。由斯德哥爾摩去奧登斯，我有考慮過揸車、坐飛機或者坐火車。首先由斯德哥爾摩揸車去太遠，唔可行。飛機就冇直接去到奧登斯，只可以飛去哥本哈根再轉車。火車亦都係要先坐到去哥本哈根再轉。考慮左價錢同時間，我決定坐火車去哥本哈根機場，再係哥本哈根機場租車自己揸去奧登斯。

坐車去斯德哥爾摩火車站

201803 冬遊瑞典丹麥第七日 - 斯德哥爾摩 (Stockholm)

今早會先去舊城區既斯德哥爾摩王宮 (Stockholms slott) 參觀，跟住睇埋 12:00 既衛兵交接儀式，所以我地 9:30 就出發。斯德哥爾摩王宮係瑞典國王既官邸以及舉辦皇室接待活動既地方，內有超過 600 間房間，分佈於七個樓層，係歐洲規模最大既王宮之一。王宮既入場費係 SEK160，景點有王宮城堡、藏寶閣、三皇冠博物館、古物博物館及皇家教堂。

201803 冬遊瑞典丹麥第六日 - 斯德哥爾摩 (Stockholm)

早上先係酒店食早餐，然後跟酒店櫃台職員買左張 Stockholm 72 hours Travelcards，有在呢張卡就可以 72 小時內係斯德哥爾摩任坐地鐵、火車、電車及巴士，價錢係每張 SEK250。

201803 冬遊瑞典丹麥第五日 - 基律納(Kiruna)，斯德哥爾摩 (Stockholm)

我地住既冰酒店有包早餐，早餐去返我地禽晚食晚餐既餐廳，係自助餐。種類非常豐富，唔係平時歐陸早餐，得多士、芝士及火腿。

可以將架車停係我地住間屋門口，好方便

201803 冬遊瑞典丹麥第四日 - 基律納(Kiruna)，冰酒店 (IceHotel)

黎到北極圈內，我想去玩下西伯利亞雪橇犬 (Husky) 拉既雪橇，同埋雪地電單車。我上網搵過玩兩個鐘雪橇，通常 SEK1,500 左右，而兩個鐘雪地電單車就 SEK1,250 左右。如果要玩晒兩樣，先由營地玩雪橇出去，跟住返營地，轉雪地電單車出去，跟住又返營地，來回兩次，成四個鐘以上，咁玩法都幾搞笑，而又浪費時間。後來我搵到一間可以出去時玩雪橇，回營地就玩雪地電單車，全程三個鐘，價錢只係 SEK1,250。我地志在玩下，一個價錢，玩晒兩樣，時間又慳左，價錢又平左，啱晒我地！

201803 冬遊瑞典丹麥第三日 - 納爾維克(Narvik)

今日我地會揸車去挪威既納爾維克(Narvik) 小鎮行下。早上係旅館食杯麵、麵包及士多啤梨，然後 10:00 出發去納爾維克。

201803 冬遊瑞典丹麥第二日 - 基律納(Kiruna)，阿比斯庫 (Abisko)

天未光就係酒店去機場，我地坐 7:00 既飛機，先飛去瑞典既斯德哥爾摩，跟住轉機去基律納 (Kiruna)。因為我地坐廉航內陸機，機上冇野食。上機前，我地就係機場既 Lagkagehuset 麵包店買左丹麥酥食。Lagkagehuset 係丹麥一間好出名既連鎖麵包店，你係丹麥時常都可以見到佢，真係總有一間係左近。咁佢既麵包又真係好好食，我地之後返黎丹麥都仲有幫襯佢幾次。

早上既哥本哈根機場

201803 冬遊瑞典丹麥第一日 - 哥本哈根 (Copenhagen)

首先我地會坐瑞士航空去蘇黎世，再轉機去哥本哈根，中間轉機時間得一小時。不過我之前幾次坐漢莎都係得一至兩個鐘時間轉機，係冇問題既！所以我都好輕鬆但又急急腳咁去轉機。

201803 冬遊瑞典丹麥

挪威、瑞典、丹麥、芬蘭及冰島，五個北歐既國家，好多人會一次玩三個以上，但因為我只去玩十五日，所以要取捨一下。我今次選擇左去瑞典及丹麥，因為搵到平機票去哥本哈根，所以丹麥係首選。另外要選多個國家，全因為哥本哈根旁邊就係瑞典，所以就比瑞典入選左今次旅程。

201801 日本石垣島第四日

今日係坐中午 12:00 機返香港，所以冇咩行程。一早先係酒店食早餐，酒店既早餐有兩種選擇，禽日食左自助餐，今日就試下日式早餐。佢個早餐叫「八重山朝食膳」，有三個不同既餐，有燒三文魚、燒白身魚或燒劍魚。我地住兩日，有兩種完全唔同既早餐，又幾有新鮮感。

201801 日本石垣島第三日

第三日既早上，我地先係酒店食早餐，酒店既早餐有兩間餐廳比你選擇，一間係自助餐，另一間係即叫即整既日式早餐，我地今日先試自助餐。自助餐種類勁多，西日冷熱，應有盡有，比禽日朝早既豐富好多好多，洲際果然係洲際。

201801 日本石垣島第二日

石垣島附近有好多外島，本來打算去全日本最南既波照間島，睇下有波照間藍稱號既大海。不過原來由石垣島去波照間島要坐好耐船，所以我地只係去近近地既竹富島。

201801 日本石垣島第一日

石垣島位於台灣及沖繩之間，地理上比較接近台灣。成個島既面積只有 222.5 平方公里，即係香港島加大嶼山既面積左右。以往去石垣島，大家要去日本本島、沖繩或台北轉飛機過去，多得香港快運，而家可以由香港直飛石垣島。